ନୂଆଦିଲ୍ଲୀ: ଗ୍ରାହକଙ୍କୁ ମିଳିପାରେ ଆଶ୍ବସ୍ତି । କୋରୋନା ସଙ୍କଟ ମଧ୍ୟରେ ହୁହୁ ହୋଇ ବଢୁଥିବା ତେଲ ଦରରେ କ୍ରମାଗତ 26 ଦିନ ଧରି ଲାଗିଛି ବିରାମ । ଏଥିମଧ୍ୟରେ ଦୀପାବଳି ସୁଦ୍ଧା ପେଟ୍ରୋଲ ଓ ଡିଜେଲର ଖୁଚୁରା ଦାମ ହ୍ରାସ ହୋଇପାରେ । ତୈଳ ବିପଣନ କମ୍ପାନୀଗୁଡିକ ଏହା ଉପରେ ବିଚାର କରୁଛନ୍ତି । ଏ ନେଇ ଏକ ରିପୋର୍ଟ ପ୍ରକାଶ ପାଇଛି ।
ଅଏଲ ସେକ୍ଟର ଏକ୍ସପର୍ଟ ଆଶା ରଖିଛନ୍ତି କି ଚାହିଦା ହ୍ରାସ ହେଉଥିବାରୁ ଅନ୍ତର୍ଜାତୀୟ ବଜାରରେ ଅଶୋଧିତ ତୈଳ ଦାମ ହ୍ରାସ ହୋଇପାରେ । ଯାହା ଫଳରେ ଏହାର ପ୍ରଭାବରେ ଆଗାମୀ ଦିନରେ ଘରୋଇ ବଜାରରେ ମଧ୍ୟ ତେଲ ଦାମ କମିବା ଆଶା ଅଛି ।
ପ୍ରକାଶ ଯେ, ଗ୍ଲୋବାଲ କ୍ରୁଡ ଦାମ ଏବେ 5 ପ୍ରତିଶତ ଖସିଛି । ବର୍ତ୍ତମାନ ଅଶୋଧିତ ତୈଳ ଦାମ ବ୍ୟାରେଲ ପିଛା 40 ଡଲାର ଥିବା ବେଳେ ଏହା ପୂର୍ବରୁ 42 ଡଲାର ଉପରେ ଥିଲା । ଏଭଳି ହ୍ରାସ ଯଦି ଆଗକୁ ଏକ ସପ୍ତାହ ଧରି ଜାରି ରହେ, ତେବେ ଭାରତରେ ତେଲ ଦାମ ଖସିପାରେ ।
