ଭୁବନେଶ୍ବର: ରାଜ୍ୟ ସରକାର 2020-21 ବର୍ଷ ପାଇଁ ବଜେଟ ଉପସ୍ଥାପିତ କରିଛନ୍ତି । ଚଳିତ ବଜେଟରେ ରାଜ୍ୟ ସରକାର ଶିକ୍ଷା ଓ ଦକ୍ଷତା ବିକାଶ ପାଇଁ 22 ହଜାର 6ଶହ 31କୋଟି ଟଙ୍କା ମଞ୍ଜୁର କରିଛନ୍ତି । ଆଦର୍ଶ ବିଦ୍ୟାଳୟ ପାଇଁ 4 ଶହ କୋଟି ଟଙ୍କା ବ୍ୟୟ ଅଟକଳ କରାଯାଇଥିବା ବେଳେ ସର୍ବଶିକ୍ଷା ଅଭିଯାନ ପାଇଁ 3 ହଜାର 157 କୋଟି ଟଙ୍କା ରଖାଯାଇଛି ।
ବିଦ୍ୟାଳୟ ମାନଙ୍କରେ ମଧ୍ୟାହ୍ନ ଭୋଜନ ପାଇଁ 8 ଶହ କୋଟି ଟଙ୍କା ଓ ଏଲପିଜି ଯୋଗାଣ ପାଇଁ 8 କୋଟି ଟଙ୍କା ମଞ୍ଜୁର କରାଯାଇଛି । ସେହିଭଳି ମୋ ସ୍କୁଲ କାର୍ଯ୍ୟକ୍ରମ ପାଇଁ 40 କୋଟି, ମୋ କଲେଜ ବାବଦରେ 10 କୋଟି ଅର୍ଥ ବ୍ୟୟ କରାଯିବ ।
ଅନ୍ୟପକ୍ଷରେ ଗଙ୍ଗାଧର ମେହେର ଶିକ୍ଷାମାନକ ବୃଦ୍ଧି ଯୋଜନାରେ 2 ଶହ 31 କୋଟି ଟଙ୍କା ଓ ଏସଟି ଛାତ୍ରୀନିବାସ, ସହରାଞ୍ଚଳ ଛାତ୍ରାବାସ ପାଇଁ 2 ଶହ 77 କୋଟି ଟଙ୍କା ବ୍ୟୟବରାଦ କରାଯାଇଛି । ପ୍ରେରଣା ଛାତ୍ରବୃତ୍ତି ପାଇଁ 1 ହଜାର 4ଶହ 7 କୋଟି ଟଙ୍କା ମଞ୍ଜୁର କରାଯାଇଛି । ଓଡିଆ ବିଶ୍ବ ବିଦ୍ୟାଳୟ ପାଇଁ 15 କୋଟି, ଉଚ୍ଚଶିକ୍ଷା ଅନୁଷ୍ଠାନ ଗୁଡିକର ଭିତ୍ତିଭୂମିର ଉନ୍ନତି ପାଇଁ 2ଶହ କୋଟି ଓ ଲାପଟପ ବିତରଣ ପାଇଁ 45 କୋଟି, ରାଷ୍ଟ୍ରୀୟ ଉଚ୍ଚତର ଶିକ୍ଷା ଅଭିଯାନ ପାଇଁ 2 ଶହ 20 କୋଟି ଟଙ୍କା ମଞ୍ଜୁର କରାଯାଇଛି । ରାଜଧାନୀରେ ବିଶ୍ବ ଦକ୍ଷତା କେନ୍ଦ୍ର ପାଇଁ 2 ଶହ 20 କୋଟି ଓ ବୈଷୟିକ ବିଶ୍ବବିଦ୍ୟାଳୟ ଓ ଆଇଟିଆଇ ଗୁଡିକର ଭିତ୍ତିଭୂମିର ବିକାଶ ପାଇଁ 1ଶହ 99 କୋଟି ଟଙ୍କାର ବ୍ୟୟ ବରାଦ ରହିଛି ।
ଶିକ୍ଷା ପାଇଁ 22 ହଜାର 6 ଶହ 31 କୋଟି
ଆଦର୍ଶ ବିଦ୍ୟାଳୟ ପାଇଁ 4 ଶହ କୋଟି
ସମଗ୍ର ଶିକ୍ଷା ଅଭିଯାନ ନିମନ୍ତେ 3 ହଜାର 1 ଶହ 57 କୋଟି
ମଧ୍ୟାହ୍ନ ଭୋଜନ ପାଇଁ 8 ଶହ କୋଟି
ମୋ ସ୍କୁଲ କାର୍ଯ୍ୟକ୍ରମ ପାଇଁ 40 କୋଟି
ମୋ କଲେଜ ଅଭିଯାନ ପାଇଁ 10 କୋଟି
ଗଙ୍ଗାଧର ମେହେର ଶିକ୍ଷାମାନକ ବୃଦ୍ଧି ଯୋଜନା ପାଇଁ 2 ଶହ 31 କୋଟି
ଛାତ୍ରାବାସ ନିର୍ମାଣ ପାଇଁ 2ଶହ 77 କୋଟି
ଛାତ୍ରବୃତ୍ତି ଲାଗି 1 ହଜାର 4 ଶହ 7 କୋଟି
ଉଚ୍ଚଶିକ୍ଷା ଅନୁଷ୍ଠାନର ଭିତ୍ତିଭୂମିର ବିକାଶପାଇଁ 2 ଶହ କୋଟି
ଲାପଟପ୍ ବିତରଣ ପାଇଁ 45 କୋଟି
ବିଶ୍ବ ଦକ୍ଷତା କେନ୍ଦ୍ର ପାଇଁ 2 ଶହ 20 କୋଟି
ବୈଷୟିକ ବିଶ୍ବବିଦ୍ୟାଳୟର ବିକାଶ ପାଇଁ 1 ଶହ 99 କୋଟି
ବ୍ୟୁରୋ ରିପୋର୍ଟ, ଇଟିଭି ଭାରତ
