ନୂଆଦିଲ୍ଲୀ: ମୁକେଶ ଅମ୍ବାନୀଙ୍କ କମ୍ପାନୀ ରିଲାଏନ୍ସ ଇଣ୍ଡଷ୍ଟ୍ରିଜ ସର୍ଟ ଭିଡିଓ ଆପ ଟିକ୍ ଟକ୍ରେ ନିବେଶ କରିପାରେ । ମିଳିଥିବା ତଥ୍ୟ ଅନୁସାରେ ରିଲାଏନ୍ସ ଇଣ୍ଡଷ୍ଟ୍ରିଜ ଓ ଚୀନ କମ୍ପାନୀ ବାଇଟ ଡାନ୍ସ ମଧ୍ୟରେ ଏବେ ପ୍ରାରମ୍ଭିକ କଥାବାର୍ତ୍ତା ଚାଲିଛି ।
Tech Crunch ରିପୋର୍ଟ ଅନୁସାରେ ଉଭୟ କମ୍ପାନୀ ଜୁଲାଇ ଶେଷରୁ କଥାବାର୍ତ୍ତା ଆରମ୍ଭ କରିଥିଲେ । ତେବେ ଏବେ ସୁଦ୍ଧା କୌଣସି ବୁଝାମଣା -ଚୁକ୍ତି ହୋଇନାହିଁ ।
ପ୍ରକାଶ ଯେ, ବାଇଟଡ୍ୟାନ୍ସ ଟିକଟକକୁ 2017 ରେ ଲଞ୍ଚ କରିଥିଲା । ଏହା ପରେ କମ୍ପାନୀ ଭିଡିଓ ମ୍ୟୁଜିକାଲକୁ କିଣିବା ପରେ ଉଭୟକୁ ମିଶାଇ ନୂଆ ରୂପରେ ଆଣିଥିଲା ।
ଟିକଟକ ଭାରତ, ଆମେରିକା ଓ ୟୁରୋପରେ ବହୁତ ଲୋକପ୍ରିୟ ହୋଇଥିଲା । ଭାରତରେ 61.1 କୋଟି ଥର ଏହାକୁ ଡାଉନଲୋଡ କରାଯାଇଥିଲା । ଏଥିସହ ଏହି ଆପ ଫେସବୁକ ଓ ସ୍ନାପଚାଟକୁ ମଧ୍ୟ ଟକ୍କର ଦେଉଥିଲା । ପ୍ରତିବନ୍ଧକ ପୂର୍ବରୁ ଟିକଟକ ଭାରତରେ ସବୁଠୁ ଅଧିକ ବ୍ୟବହୃତ ସ୍ପେଶାଲ ଆପ ମଧ୍ୟରୁ ଗୋଟିଏ ଥିଲା ।
ଭାରତରେ ଟିକଟକ ବିଜନେସର ମୂଲ୍ୟ 3 ବିଲିୟନ ଡଲାରରୁ ଅଧିକ ରହିଛି ।
ଅନ୍ୟ କମ୍ପାନୀ ମଧ୍ୟ ଟିକଟକରେ ରୁଚି ଦେଖାଇଛନ୍ତି
ସୋସିଆଲ ମିଡିଆ ପ୍ଲାର୍ଟଫର୍ମ ଟିକଟକ ସହ ଚୁକ୍ତି ପାଇଁ ଇଚ୍ଛା ଦର୍ଶାଇଛି । ଏହା ପୂର୍ବରୁ ଟେକ୍ନୋଲୋଜି କ୍ଷେତ୍ରର ଦିଗ୍ଗଜୟ କମ୍ପାନୀ ମାଇକ୍ରୋସଫ୍ଟ ମଧ୍ୟ ଟିକଟକ ପ୍ୟାରେଣ୍ଟ କମ୍ପାନୀ ବାଇଟ ଡ୍ୟାନ୍ସୁ କିଣିବା ପାଇଁ ବୁଝାମଣା କରୁଛି । ତେବେ ମାଇକ୍ରୋସଫ୍ଟର ସିଇଓ ସତ୍ୟ ନଡେଲା ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ସହ ଏହାର କ୍ରୟ ସମ୍ପର୍କରେ ସୁରକ୍ଷା ଏବଂ ସେନ୍ସରସିପ ନେଇ ଆଲୋଚନା କରିଛନ୍ତି ।
