ନୂଆଦିଲ୍ଲୀ. ଏବେ ଦିନକୁ ଦିନ ନୁହେଁ ଘଡିକୁ ଘଡି ବଢୁଛି କୋରୋନା ଆକ୍ରାନ୍ତଙ୍କ ସଂଖ୍ୟା । ଏ ନେଇ ଚିନ୍ତାରେ ନିବେଶକ । ଏଥିଯୋଗୁଁ ନୂଆ ଆର୍ଥିକ ବର୍ଷ ଆରମ୍ଭରୁ ବଜାରରେ ହ୍ରାସ ଜାରି ରହିଛି । ଫଳରେ ଗତ 2 କାରବାର ଦିନରେ ନିବେଶକଙ୍କୁ 4,82,033.63 କୋଟି ଟଙ୍କା ହରାଇବାକୁ ପଡିଛି ।
ଶୁକ୍ରବାର ସେନସେକ୍ସ 27,590.95କୁ ଖସିଥିବା ବେଳେ ନିଫ୍ଟି ବି ପ୍ରବଳ ହ୍ରାସ ପାଇଛି । ଗତ 2 କାରବାର ଦିନରେ ବିଏସଇ ସୂଚୀବଦ୍ଧ ବଜାର ପୁଞ୍ଜିକରଣ 4,82,033.63କୋଟି ହ୍ରାସ ପାଇ 1,08,66,722.96 କୋଟି ଟଙ୍କାର ପହଞ୍ଚିଛି।
ରେଲିଗେୟର ବ୍ରେକିଙ୍ଗର ଉପାଧ୍ୟକ୍ଷ ଅଜିତ ମିଶ୍ରା କହିଛନ୍ତି ଯେ, ‘‘ଦେଶରେ କୋରୋନା ଭାଇରସ ମାମଲା ବୃଦ୍ଧି ଯୋଗୁଁ ସେନସେକ୍ସ ଓ ନିଫ୍ଟି ଲଗାତାର ଖସୁଛି । ମୁଡିସ ମଧ୍ୟ ଭାରତୀୟ ବ୍ରେକିଙ୍ଗ କ୍ଷେତ୍ରର ପରିଦୃଶ୍ୟ ବଦଳାଇ ନକରାତ୍ମକ କରିଛି । ଏହାର ପ୍ରଭାବରେ ମଧ୍ୟ ନିବେଶକଙ୍କ ଧାରଣା ପ୍ରଭାବିତ ହୋଇଛି ।
ସେନସେକ୍ସ ସେୟାରରେ ସାମିଲ ବ୍ୟାଙ୍କ ସେୟାରରେ ଏକ୍ସିକ୍ସ ବ୍ୟାଙ୍କର ସେୟାର ସର୍ବାଧିକ 9.16 ପ୍ରତିଶତ ଖସିଛି ।
