ନୂଆଦିଲ୍ଲୀ: ଲକଡାଉନ କୋହଳ ହେବା ସହ ଉପରମୁହାଁ ଶିଳ୍ପ । ଅକ୍ଟୋବର ମାସରେ ଔଦ୍ୟୋଗିକ ଉତ୍ପାଦନ 3.6 ପ୍ରତିଶତ ବୃଦ୍ଧି ହୋଇଛି । ବିଶେଷ କରି ମ୍ୟାନୁଫ୍ୟାକ୍ଚରିଙ୍ଗ ଓ ବିଦ୍ୟୁତ କ୍ଷେତ୍ରରେ ଭଲ ପ୍ରଦର୍ଶନ ଯୋଗୁଁ ଶିଳ୍ପ ଉତ୍ପାଦନ ଅଭିବୃଦ୍ଧି ହାର ବଢିଛି । ଶୁକ୍ରବାର ଜାରି ସରକାରୀ ରିପୋର୍ଟରେ ଏ ନେଇ ସୂଚନା ଦିଆଯାଇଛି ।
ଜାତୀୟ ପରିସଂଖ୍ୟାନ କାର୍ଯ୍ୟାଳୟ(ଏନଏସଓ) ତଥ୍ୟ ଅନୁସାରେ , ଶିଳ୍ପ ଉତ୍ପାଦନ ସୂଚକାଙ୍କ (ଆଇଆଇପି)ର ସଦ୍ୟ ରିପୋର୍ଟରେ ଆଲୋଚ୍ୟ ମାସ ମଧ୍ୟରେ ମ୍ୟୁନୁଫେକ୍ଚରିଂ ଓ ବିଦ୍ୟୁତ ଉତ୍ପାଦନ କ୍ଷେତ୍ରରେ କ୍ରମଶଃ 3.5 ପ୍ରତିଶତ ଓ 11.2 ପ୍ରତିଶତ ବୃଦ୍ଧି ହୋଇଛି ।
ସେପଟେ ଅକ୍ଟୋବର ମାସରେ ଖଣି କ୍ଷେତ୍ରରେ 1.15 ପ୍ରତିଶତ ହ୍ରାସ ଦେଖାଦେଇଛି । ଗତ ବର୍ଷ ଅକ୍ଟୋହର ମାସରେ ଆଇଆଇପିରେ 6.6 ପ୍ରତିଶତ ହ୍ରାସ ଦେଖାଦେଇଥିଲା ।
କୋଭିଡ-19 ମହାମାରୀ ପ୍ରସାର ରୋକିବା ପାଇଁ ସରକାର ଲାଗୁ କରିଥିବା ଲକଡାଉନ ଓ କଟକଣା ଯୋଗୁଁ ଅନେକ ଔଦ୍ୟୋଗିକ କ୍ଷେତ୍ରର ଗତିବିଧି ବନ୍ଦ ରହିଥିଲା । ପରେ ଲକଡାଉନ ହଟିବା ସହ କାର୍ଯ୍ୟକଳାପ ଆରମ୍ଭ ହୋଇଛି । ଏଥିଯୋଗୁଁ 2020 ଜୁଲାଇରେ ଔଦ୍ୟୋଗିକ ଉତ୍ପାଦନ ସୂଚକାଙ୍କ(ଆଇଆଇପି) ଏପ୍ରିଲଠାରୁ ହ୍ରାସ ହେଉଥିଲା ।
