ନୂଆଦିଲ୍ଲୀ: କୋରୋନା ଭାଇରସ ସଙ୍କଟ ମଧ୍ୟରେ କରଦାତାଙ୍କୁ ପୁଣି ଆଶ୍ବସ୍ତି ଦେଇଛି ଆୟକର ବିଭାଗ । 2019-20 ଆର୍ଥିକ ବର୍ଷର ଆୟକର ରିଟର୍ଣ୍ଣ ଭରିବା ଅବଧିକୁ ଆଉ ମାସେ ବଢାଇ ଡିସେମ୍ବର 31 ପର୍ଯ୍ୟନ୍ତ କରିଛି ଆୟକର ବିଭାଗ । ଶନିବାର ବିଭାଗ ପକ୍ଷରୁ ଏନେଇ ଟ୍ବିଟ କରି ସୂଚନା ଦିଆଯାଇଛି ।
ଯେଉଁମାନଙ୍କ ଖାତା ଅଡିଟ ହେବାର ଅଛି, ସେହି କରଦାତାଙ୍କ ପାଇଁ ଆୟକର ରିଟର୍ଣ୍ଣ ଫାଇଲିଂ ସମୟସୀମା 2 ମାସ ବଢାଇ 2021 ଜାନୁଆରୀ 31 ଯାଏଁ ବୃଦ୍ଧି କରାଯାଇଛି । ସରକାର ପୂର୍ବରୁ ହିଁ କରଦାତାଙ୍କୁ ଅନୁପାଳନ ରିଲିଫ୍ ପ୍ରଦାନ କରିବାକୁ, 2019-20 ଆର୍ଥିକ ବର୍ଷ ପାଇଁ ITR ଦାଖଲ ତାରିଖ 31 ଜୁଲାଇରୁ 30 ନଭେମ୍ବର ପର୍ଯ୍ୟନ୍ତ ବୃଦ୍ଧି କରିଥିଲେ ।
କେନ୍ଦ୍ରୀୟ ପ୍ରତ୍ୟକ୍ଷ ଟିକସ ବୋର୍ଡ (ସିବିଡିଟି) ଏକ ବିବୃତ୍ତିରେ କହିଛି ଯେ ଟିକସଦାତା ଆୟକର ରିଟର୍ଣ୍ଣ ଦାଖଲ କରିବାର କାର୍ଯ୍ୟକ୍ରମ ରହିଛି। ଏଥିପାଇଁ ଧାର୍ଯ୍ୟ ତାରିଖ 2020 ରୁ ଜୁଲାଇ 31 ରୁ ଡିସେମ୍ବର 31, 2020 କୁ ବୃଦ୍ଧି କରାଯାଇଛି।
ଟିକସଦାତାଙ୍କ ପାଇଁ ITR ଦାଖଲ କରିବାର ଧାର୍ଯ୍ୟ ତାରିଖ, ଯାହାର ଆକାଉଣ୍ଟ ଅଡିଟ୍ ହେବା ଆବଶ୍ୟକ (ଯେଉଁଥିପାଇଁ ଆଇଟି ଆକ୍ଟ ଅନୁଯାୟୀ ଧାର୍ଯ୍ୟ ତାରିଖ 2020 ଅକ୍ଟୋବର 31) କୁ ବଢାଇ 2021 ଜାନୁୟାରୀ 31 ପର୍ଯ୍ୟନ୍ତ ବୃଦ୍ଧି କରାଯାଇଛି।
ସିବିଡିଟି କହିଛି କି କରଦାତାଙ୍କୁ ଆୟକର ରିଟର୍ଣ୍ଣ ଦାଖଲ କରିବା ପାଇଁ ଅଧିକ ସମୟ ପ୍ରଦାନ କରିବାକୁ ଏହି ସମୟସୀମାକୁ ବଢାଯାଇଛି ।
