ମୁମ୍ବାଇ: ଲକଡାଉନ ମଧ୍ୟରେ କରଦାତାଙ୍କୁ ଆୟକର ବିଭାଗର ଭେଟି । ତୁରନ୍ତ 5 ଲକ୍ଷ ଟଙ୍କା ପର୍ଯ୍ୟନ୍ତ ପେଣ୍ଡିଙ୍ଗ ପଡିଥିବା କର ରାଶିକୁ ଦେବାକୁ ଘୋଷଣା କଲା ଆୟକର ବିଭାଗ । ଏପରିକି ଜିଏସଟି ଓ ସୀମା ଶୁଳ୍କ ଫେରସ୍ତ ମଧ୍ୟ ଶୀଘ୍ର ନେଇ ବିଭାଗ ଆଶ୍ବସ୍ତି ଦେଇଛି ।
କୋରୋନା ସଙ୍କଟ ମଧ୍ୟରେ ଉପନ୍ନ କାରଣ ପାଇଁ ବ୍ୟକ୍ତିଗତ ଟିକସଦାତା ଓ କାରବାରୀଙ୍କୁ ଉପଶମ ଦେବା ପାଇଁ 5 ଲକ୍ଷ ଟଙ୍କା ପର୍ଯ୍ୟନ୍ତ ପେଣ୍ଡିଙ୍ଗ ସମସ୍ତ ଆୟକର ରାଶିକୁ ଶୀଘ୍ର ପ୍ରଦାନ କରିବାକୁ ନିର୍ଣ୍ଣୟ ନିଆଯାଇଛି । ଏହାଦ୍ବାରା ପାଖାପାଖି 14 ଲକ୍ଷ କରଦାତା ଉପକୃତ ହେବେ ।
ସେହିପରି ଜିଏସଟି ଓ ସୀମା ଶୁଳ୍କ ରାଶି ଫେରସ୍ତ ଦ୍ବାରା ଏମଏସଏମଇ ସମେତ ପାଖାପାଖି 1 ଲକ୍ଷ ବ୍ୟବସାୟିକ ସଂସ୍ଥାକୁ ଲାଭ ହେବା ନେଇ ଆଶା ରହିଛି । ମୋଟ ରିଫଣ୍ଡ 18 ହଜାର କୋଟି ପାଖାପାଖି ହେବ ।
