ନୂଆଦିଲ୍ଲୀ: ଅର୍ଥନୀତି ପିଛା ଛାଡିନି ମାନ୍ଦାବସ୍ଥା । ଏହାର ପ୍ରଭାବରେ ବିନିର୍ମାଣ କ୍ଷେତ୍ର ତଳମୁହାଁ ରହୁଛି । ଫଳରେ ଔଦ୍ୟୋଗିକ କ୍ଷେତ୍ରରେ ଉତ୍ପାଦନ ମଧ୍ୟ କମୁଛି । 2019 ଡିସେମ୍ବରରେ ଔଦ୍ୟୋଗିକ ଉତ୍ପାଦନ(ଆଇଆଇପି)0.3 ପ୍ରତିଶତ ଖସିଛି ।
ବୁଧବାର ଜାରି ସରକାରୀ ରିପୋର୍ଟରୁ ଜଣାପଡିଛି ଯେ, ଔଦ୍ୟୋଗିକ ଉତ୍ପାଦନ ସୂଚକାଙ୍କ 2018 ଡିସେମ୍ବରରେ 2.5 ପ୍ରତିଶତ ବଢିଥିଲା ।
ଜାତୀୟ ପରିସଂଖ୍ୟାନ କାର୍ଯ୍ୟାଳୟ(ଏନଏସଓ) ତଥ୍ୟ ଅନୁସାରେ, ବିନିର୍ମାଣ କ୍ଷେତ୍ରରେ ଉତ୍ପାଦନ 1.2 ପ୍ରତିଶତ ହ୍ରାସ ପାଇଛି । ଯେତେବେଳେ କି ମାସେ ତଳେ ଏହା 2.9 ପ୍ରତିଶତ ବୃଦ୍ଧି ପାଇଛି । 2018 ଡିସେମ୍ବରରେ 4.5 ପ୍ରତିଶତ ବଦ୍ଧି ସହ ବିଦ୍ୟୁତ ଉତ୍ପାଦନ 0.1 ପ୍ରତିଶତ ଖସିଛି ।
ଖନନ କ୍ଷେତ୍ରରେ ଉତ୍ପାଦନ 5.4 ପ୍ରତିଶତ ବୃଦ୍ଧି ପାଇଛି । ଯାହା ପୂର୍ବରୁ 1 ପ୍ରତିଶତ ସଙ୍କୁଚିତ ରହିଥିଲା ।
ଚଳିତ ଆର୍ଥିକ ବର୍ଷର ଏପ୍ରିଲରୁ ଡିସେମ୍ବର ଅବଧି ମଧ୍ୟରେ ଆଇଆଇପି ବୃଦ୍ଧି ଦର 2018-19 ସମାନ ଅବଧିରେ 4.7 ପ୍ରତିଶତ ବିସ୍ତାରରେ 0.5 ପ୍ରତିଶତରେ ପହଞ୍ଚିଥିଲା ।
(ପିଟିଆଇ)
