ନୂଆଦିଲ୍ଲୀ: ଜମି ଆବଣ୍ଟନ ସମ୍ଭନ୍ଧିତ ଏକ ମାମଲାରେ ମେଦାନ୍ତ ହସ୍ପିଟାଲର ପରିଚାଳନା ନିର୍ଦ୍ଦେଶକ(ଏମଡି) ନରେଶ ତ୍ରେହାନଙ୍କ ବିରୋଧରେ ପ୍ରବର୍ତ୍ତନ ନିର୍ଦ୍ଦେଶାଳୟ ମାମଲା ରୁଜୁ କରିଛି । ପ୍ରିଭେନ୍ସନ ଅଫ୍ ମନି ଲଣ୍ଡରିଂ ଆକ୍ଟ (ପିଏମଏଲଏ) ଅଧିନରେ ଏହି ମାମଲା ରୁଜୁ ହୋଇଛି ।
ଅଧିକାରୀଙ୍କ ଅନୁସାରେ ,ଇକୋନୋମିକ୍ ଅଫେନ୍ସ ଗାର୍ଡ ଏହି ମାମଲାରେ PMLA ଅଧୀନରେ ତ୍ରେହାନ ଏବଂ ଅନ୍ୟ 15 ଜଣଙ୍କ ବିରୋଧରେ ମାମଲା ସମ୍ପର୍କରେ ଏକ ସୂଚନା ରିପୋର୍ଟ ଦାଖଲ କରିଛନ୍ତି ।
ଇଡିର ଜଣେ ଅଧିକାରୀ ବୁଧବାର କହିଛନ୍ତି କି, ଗୁରୁଗ୍ରାମ ପୋଲିସ ଦ୍ବାରା ଦାଏର ଏଫଆଇଆର ଆଧାରର ମାମଲା ରୁଜୁ କରାଯାଇଛି ।
ପ୍ରକାଶ ଯେ, ହସ୍ପିଟାଲର ଜମି ଆବଣ୍ଟନ ମାମଲାରେ ଶନିବାର ଗୁରୁଗ୍ରାମ ପୋଲିସ ନରେଶ ଓ ଅନ୍ୟମାନଙ୍କ ବିରୋଧରେ ମନି ଲଣ୍ଡରିଂ, ଭ୍ରଷ୍ଟାଚାର, ଅପରାଧିକ ଷଡଯନ୍ତ୍ର, ଜାଲିଆତି ଏବଂ ବିଶ୍ୱାସଘାତକତାର ଅପରାଧିକ ମାମଲା ଦାଏର କରିଥିଲା ।
