ନୂଆଦିଲ୍ଲୀ: ଚଳିତ ଆର୍ଥିକ ବର୍ଷର ପ୍ରଥମ ତ୍ରୟମାସ (ଏପ୍ରିଲ -ଜୁନ)ରେ ଦେଶର ମୋଟ ଘରୋଇ ଉତ୍ପାଦ (ଜିଡିପି) ପ୍ରାୟ ଏକ ଚତୁର୍ଥାଂଶ ହ୍ରାସ ହୋଇଛି । ଗତ ଆର୍ଥିକ ବର୍ଷ ତୁଳନାରେ ଏ ବର୍ଷ ଅଭିବୃଦ୍ଧି ହାର 23.9 ପ୍ରତିଶତ ଖସିଛି । କେନ୍ଦ୍ରୀୟ ପରିସଂଖ୍ୟାନ କାର୍ଯ୍ୟାଳୟ (ସିଏସଓ) ଦ୍ବାରା ସୋମବାର ଏ ନେଇ ରିପୋର୍ଟ ଜାରି କରିଛି ।
କୋରୋନା କଟକଣା ଓ ଲକଡାଉନ ମଧ୍ୟରେ ଆର୍ଥିକ ଗତିବିଧି ସମ୍ପୂର୍ଣ୍ଣ ଠପ ରହିଥିଲା । କାରବାର ବନ୍ଦ ଓ କାମଧନ୍ଦା ନଥିବାରୁ ବିକାଶ ଦର ହ୍ରାସ ହୋଇଛି । ଯେହେତୁ ପ୍ରଥମ ତ୍ରୟମାସ ଆରମ୍ଭରୁ ଲକଡାଉନ ଲାଗୁ ରହିଥିଲା, ଏଣୁ ଅଭିବୃଦ୍ଧି ହାର ନେଗେଟିଭ ରହିଛି ।
1979 ମାନ୍ଦାବସ୍ଥା ସମୟରେ ଭାରତୀୟ ଅର୍ଥବ୍ୟବସ୍ଥା ସର୍ବାଧିକ ସଙ୍କୁଚନର ସାମ୍ନା କରିଥିଲା । ସେହି ସମୟରେ ଜିଡିପି ବୃଦ୍ଧି ଦର -5.2 ର ସର୍ବକାଳୀନ ନିମ୍ନ ସ୍ତରରେ ପହଞ୍ଚିଥିଲା ।
