ନୂଆଦିଲ୍ଲୀ: 4ଜି ନେଟୱର୍କ ସ୍ଥାପନ ପାଇଁ ରାଷ୍ଟ୍ରାୟତ ଦୂରସଞ୍ଚାର କମ୍ପାନୀ ବିଏସଏନଏଲକୁ ଜାରି କରାଯାଇଥିବା 9,000 କୋଟି ଟେଣ୍ଡରକୁ ରୋକିବା ପାଇଁ କହିଲା ଶିଳ୍ପ ଓ ଆନ୍ତଃବାଣିଜ୍ୟ ପ୍ରୋତ୍ସାହନ ବିଭାଗ(ଡିପିଆଇଆଇଟି) । ଟେଣ୍ଡରରେ ବିଦେଶୀ କମ୍ପାନୀଙ୍କୁ ସମର୍ଥନ କରୁଥିବା ଅଭିଯୋଗରେ ଡିପିଆଇଆଇଟି ଏହି ନିର୍ଦ୍ଦେଶ ଦେଇଛି ।
BSNLର ନୂତନ ପରିଚାଳନା ମାର୍ଚ୍ଚରେ 4G ନେଟୱାର୍କ ସ୍ଥାପନ ପାଇଁ ଟେଣ୍ଡର ଆହ୍ବାନ କରିଥିଲା । ସରକାର 2019 ଅକ୍ଚୋବରରେ ବିଏସଏନଏଲ ଓ ଏମଟିଏନଏଲକୁ 68,751 କୋଟି ଟଙ୍କାର ରିଲିଫ ପ୍ୟାକେଜ ଦେବା ପାଇଁ ଘୋଷଣା କରିଥିଲେ । ଯାହା ପରେ ଦୂରସଞ୍ଚାର ପିଏସୟୁ ଏହି ଟେଣ୍ଡର ଜାରି କରିଥିଲା ।
ଡିପିଆଇଆଇଟିରେ ଟେଲିକମ ଇକ୍ବିପମେଣ୍ଟ ଆଣ୍ଡ ସର୍ଭିସେସ ଏକ୍ସପୋର୍ଟ ପ୍ରମୋସନ କାଉନସିଲ (ଟିଇପିସି) ପକ୍ଷରୁ ବିଏସଏନଏଲ ସହ ଟେଲିକମ ବିଭାଗ ବିରୋଧରେ ଏକ ଅଭିଯୋଗ ଦାଏର ହୋଇଥିଲା । ଏହି ଅଭିଯୋଗରେ କୁହାଯାଇଥିଲା କି ଏହି ଟେଣ୍ଡର କ୍ରୟ ନିୟମକୁ ଉଲ୍ଲଂଘନ କରୁଛି । ଏଥିସହ ଏହା ବିଦେଶୀ କମ୍ପାନୀ ସପୋର୍ଟରେ ରହିଛି ।
