କଟକ: କ୍ରୋମାଇଟ ଚାଲାଣବେଳେ ଗିରଫ ହେଲେ 3 ଅଭିଯୁକ୍ତ । ଶିଖରପୁର ଗୁରୁଦ୍ବାର ନିକଟରେ ଏକ ଟ୍ରକରେ 3 ଲକ୍ଷରୁ ଊର୍ଦ୍ଧ୍ବ ଟଙ୍କାର କ୍ରୋମାଇଟ ଚୋରା ଚାଲାଣବେଳେ 3 ଜଣ ଅଭିଯୁକ୍ତଙ୍କୁ ଗିରଫ କରିଛି ପୋଲିସ । ଏମାନେ ହେଲେ ବିକାଶ ଗୁପ୍ତା , ରାମନୟନ ଯାଦବ, ଓ ଲାଲି ସ । ଦୁଇ ଜଣଙ୍କ ଘର କଟକରେ ହୋଇଥିବାବେଳେ ରାମନୟନଙ୍କ ଘର ଉତ୍ତରପ୍ରଦେଶରେ ହୋଇଥିବା ଜଣାପଡିଛି ।
3 ଜଣଙ୍କୁ ଗିରଫ ପରେ ପୋଲିସ କୋର୍ଟ ଚାଲାଣ କରିଛି । ସୂଚନା ଅନୁସାରେ, ଗୁରୁବାର ଶିଖରପୁର ଗୁରୁଦ୍ବାର ନିକଟରେ କ୍ରୋମାଇଟ ଚୋରି ହେବାର ଖବର ପାଇଥିଲା ପୋଲିସ । ସଙ୍ଗେ ସଙ୍ଗେ ଏକ ଟିମ ସେଠାରେ ଚଢ଼ାଉ କରିଥିଲା । ଘଟଣାସ୍ଥଳରେ ଏକ ଟ୍ରକରେ ମାଲ ଲୋଡ଼ କରିବାରେ ବ୍ୟସ୍ତ ଥିଲେ 3 ଅଭିଯୁକ୍ତ । ତେବେ ପୋଲିସର ଅତର୍କିତ ଚଢ଼ାଉ ପରେ 3 ଜଣ ଧରା ପଡିଥିଲେ । ଏହାସହ ଘଟଣାସ୍ଥଳରୁ ଏକ ଟ୍ରକ, 100 କ୍ରୋମାଇଟ ବ୍ୟାଗ ମଧ୍ୟ ଜବତ କରାଯାଇଛି ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
