ନୂଆପଡା: ଅବହେଳିତ, ଅପରିଚିତ, ଅଶିକ୍ଷିତ ପଛୁଆ ଜିଲ୍ଲା ନୂଆପଡା । ରାଜ୍ୟ ରାଜଧାନୀ ଠାରୁ ପ୍ରାୟ 500 କିଲୋମିଟର ଦୂରରେ ଥିବା ଏହି ପଛୁଆ ଜିଲ୍ଲା ସ୍ବାଧୀନତାର ଦୀର୍ଘବର୍ଷ ବିତିଯାଇଥିଲେ ମଧ୍ୟ ଶିକ୍ଷା, ସ୍ବାସ୍ଥ୍ୟ, ବିଶୁଦ୍ଧ ପାନୀୟ ଜଳ କ୍ଷେତ୍ରରେ ବହୁ ପଛରେ ପଡି ରହିଛି ।
ନୂଆପଡା ଜିଲ୍ଲା ସଦରମହକୁମା ଠାରୁ 120 କି.ମି.ଦୂରରେ ଥିବା ବୋଡେନ ବ୍ଲକ କର୍ଲାକୋଟ ଗାଁରେ ଏବେ ଜଣ୍ଡିସ ରୋଗକୁ ନେଇ ଆତଙ୍କ ଖେଳାଇ ଦେଇଛି । 30 ବର୍ଷ ପୂର୍ବେ ବାହାରିଥିବା ଫ୍ଲୋରାଇଡ଼ ମିଶ୍ରିତ ପାଣି ସମସ୍ୟାରୁ ମୁକୁଳି ନଥିବା ଏହି ଗାଁରେ ଏବେ 15ରୁ ଅଧିକ ଶିଶୁ ଜଣ୍ଡିସ ରୋଗରେ ଆକ୍ରାନ୍ତ ଥିବା ବେଳେ ଝଡାଫୁଙ୍କାରେ ଚାଲିଛି ଜଣ୍ଡିସ ମୁକାବିଲା ।
ଅପହଞ୍ଚ ସ୍ବାସ୍ଥ୍ୟସେବା ଏହି ଅଞ୍ଚଳ ପାଇଁ ବୋଝ ଉପରେ ନଳିତା ବିଡା ସାଜିଥିବା ବେଳେ ଗଣମାଧ୍ୟମ ଠାରୁ ଖବର ପାଇଛୁ । ତୁରନ୍ତ କର୍ଳାକୋଟ ଗାଁକୁ ସ୍ବାସ୍ଥ୍ୟ ବିଭାଗର ମୋବାଇଲ ହେଲଥ ଟିମକୁ ପଠାଇବେ ବୋଲି କହିଛନ୍ତି ବୋଡେନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ଅଧିକାରୀ । 30 ବର୍ଷ ପୂର୍ବେ ଦେଖାଦେଇଥିବା ସମସ୍ୟା ଆଜି ପର୍ଯ୍ୟନ୍ତ ସମାଧାନ ହୋଇପାରିନଥିବା ବେଳେ ଜିଲ୍ଲାରୁ କେବେ ଲୋପ ପାଉଛି ଜଣ୍ଡିସ ତାକୁ ଅପେକ୍ଷା ।
ନୂଆପଡାରୁ ମୋତିଲାଲ ବାଗ, ଇଟିଭି ଭାରତ
