ଖୋର୍ଦ୍ଧା: ନେତାଙ୍କ ପକେଟକୁ ଗଲାନି ଜନତାଙ୍କ ମୂଲ୍ୟବାନ ଭୋଟ । ବେକାର ହେଲା 3028 ମତଦାତାଙ୍କ ଭୋଟ । ଏଭଳି କିଛି ଖବର ମିଳିଛି ଖୋର୍ଦ୍ଧା ଉପଖଣ୍ଡ ଅଧୀନରେ ଥିବା ବେଗୁନିଆ, ଚିଲିକା ଓ ଖୋର୍ଦ୍ଧା ନିର୍ବାଚନମଣ୍ଡଳୀରୁ ।
ସୂଚନାନୁଯାୟୀ, ଖୋର୍ଦ୍ଧା ନିର୍ବାଚନ ମଣ୍ଡଳୀରେ ସମୁଦାୟ 8 ଜଣ ପ୍ରାର୍ଥୀ ମଇଦାନକୁ ଓହ୍ଲାଇଥିବା ବେଳେ ବେଗୁନିଆରୁ 7 ଓ ଚିଲିକାରୁ 9 ଜଣ ପ୍ରାର୍ଥୀ ନିର୍ବାଚନ ଲଢୁଥିଲେ । ସେଥିମଧ୍ୟରୁ ବିଜେପିର ପୃଥ୍ୱୀରାଜ ହରିଚନ୍ଦନ, କାଳୁ ଖଣ୍ଡେଇତାରାୟ, ରିଷଭ ନନ୍ଦ, କଂଗ୍ରେସର ପ୍ରଦୀପ ସାହୁ, ପ୍ରଦୀପ ସ୍ୱାଇଁ, ସ୍ୱାଗତିକା ପଟ୍ଟନାୟକ, ବିଜେଡିର ରାଜେନ୍ଦ୍ର କୁମାର ସାହୁ, ଜ୍ୟୋତିନ୍ଦ୍ର ନାଥ ମିତ୍ର, ପ୍ରଶାନ୍ତ କୁମାର ଜଗଦେବଙ୍କ ଭଳି ହେଭିୱେଟ ନେତା ମଧ୍ୟ ମଇଦାନରେ ଥିଲେ । ମାତ୍ର ମତଦାତାଙ୍କ ପସନ୍ଦରେ କୌଣସି ପ୍ରାର୍ଥୀ ନଆସିବାରୁ ସେମାନେ ନୋଟାରେ ଭୋଟ ଦେଇଥିଲେ ।
ବେଗୁନିଆରେ 909 ଖଣ୍ଡ, ଖୋର୍ଦ୍ଧାରେ 1238 ଖଣ୍ଡ ଏବଂ ଚିଲିକାରେ 881 ଖଣ୍ଡ ନୋଟା ଭୋଟ ପଡିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
