ହାଇଦ୍ରାବାଦ: ଦ.ଆଫ୍ରିକା ଟିମ୍ ଓ ପ୍ରଶଂସକଙ୍କ ପାଇଁ ଖୁସି ଖବର । ଆହତ ଯୋଗୁଁ ଟିମ୍ର ଷ୍ଟାର ଦ୍ରୁତ ବୋଲର ଲୁଙ୍ଗି ଏନଗିଡି ଦଳରୁ ବାଦ୍ ପଡିଥିଲେ । କିନ୍ତୁ ବର୍ତ୍ତମାନ ସେ ଏକଦମ୍ ଫିଟ୍ ଥିବା ଖୋଦ ଲୁଙ୍ଗି କହିଛନ୍ତି । କ୍ରିକେଟ ମହାକୁମ୍ଭରେ 2ଜୁନରେ ବାଲାଂଦେଶ ବିପକ୍ଷରେ ମ୍ୟାଚ ଖେଳିବା ସମୟରେ ସେ ଆହତ ହୋଇଥିଲେ । ଫଳରେ ମ୍ୟାଚ ଅଧାରୁ ଗ୍ରାଉଣ୍ଡ ଛାଡିବାକୁ ପଡିଥିଲା । ଏହାପରେ ସେ ଭାରତ ବିପକ୍ଷରେ ମଧ୍ୟ ମ୍ୟାଚ ଖେଳି ନଥିଲେ ।
23ବର୍ଷୀୟ ଲୁଙ୍ଗି କହିଛନ୍ତି ଯେ, ଖେଳ ସମୟରେ ଆହତ ହେବା ବହୁତ ଦୁଃଖଦ ଘଟଣା । କିନ୍ତୁ ସପୋର୍ଟ ଷ୍ଟାଫଙ୍କ ଯୋଗୁଁ ପ୍ରାୟତଃ ଠିକ୍ ହୋଇଗଲିଣି । ଖେଳି ନ ପାରୁଥିବାରୁ ବହୁତ ଚିନ୍ତା ହେଉଥିଲା । ଆଜି ମୁଁ ଫିଟନେସ ଟେଷ୍ଟରେ ପାସ କରିଛି । ଏବେ ମୁଁ ମ୍ୟାଚ ପାଇଁ 100ପ୍ରତିଶତ ଫିଟ ।
ଏବେ ନ୍ୟୁଜଲାଣ୍ଡ ବିପକ୍ଷ ପରବର୍ତ୍ତୀ ମ୍ୟାଚରେ ଏନଗିଡି ଗ୍ରାଉଣ୍ଡକୁ ଓହ୍ଲାଇବାକୁ ପ୍ରସ୍ତୁତ । ଦ.ଆଫ୍ରିକା ଆହୁରି 5ଟି ମ୍ୟାଚ ଖେଳିବ । ଯଦି ଦଳ ଏହି ସବୁ ମ୍ୟାଚ ଜିତି ଯାଏ, ତାହେଲେ ସେମିଫାଇନାଲରେ ଏଣ୍ଟ୍ରି କରି ପାରିବ । ଡେଲ ଷ୍ଟେନ ଟିମ୍ରୁ ବାଦ ପଡିବା ପରେ ଲୁଙ୍ଗି ଏନଗିଡିଙ୍କ ପ୍ରତ୍ୟାବର୍ତ୍ତନ ଦଳ ପାଇଁ ଶୁଭ ସଙ୍କେତ । ତେବେ ଲୁଙ୍ଗି ଓ କଗିସୋ ରାବାଡାଙ୍କୁ ନେଇ ଦ.ଆଫ୍ରିକାର ବୋଲିଂ ୟୁନିଟ ଆହୁରି ମଜବୁତ ହୋଇଯିବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
