ହାଇଦ୍ରାବାଦ: କ୍ରିକେଟ ମହାକୁମ୍ଭରେ ପାକ୍ କ୍ରିକେଟର ସୋଏବ ମଲିକଙ୍କ କ୍ରମାଗତ ଭାବେ ଶୂନରନ୍ରେ ଆଉଟ ହେବା ପରେ ତାଙ୍କର ଫର୍ମକୁ ନେଇ ପ୍ରଶ୍ନ ସୃଷ୍ଟି କରିଛି । 2ଟି ମହାମୁକାବିଲା ଅଷ୍ଟ୍ରେଲିଆ ଏବଂ ଭାରତ ବିପକ୍ଷରେରେ ବିନା ଖାତ ଖୋଲି ପାଭିଲିୟନକୁ ଫେରିଛନ୍ତି। ଗତକାଲି ମ୍ୟାଚରେ ଭାରତ ବିପକ୍ଷରେ ବ୍ୟାଟିଂ କରିବାକୁ ଗ୍ରାଉଣ୍ଡକୁ ଆସିଥିଲେ। ଭାରତୀୟ ବୋଲର ହାର୍ଦ୍ଦିକ ପାଣ୍ଡ୍ୟାଙ୍କ ପ୍ରଥମ ବଲରେ ହିଁ ସୋଏବ ବୋଲ୍ଡ ହୋଇଥିଲେ।
ସୂଚନାଥାଉକି, ପାକ୍ ଟିମର ଅନୁଭବି ତଥା ପୂର୍ବ ଅଧିନାୟକ ମହମ୍ମଦ ହଫିଜ ଆଉଟ ହେବା ପରେ ସୋଏବ ମଲିକ ଗ୍ରାଉଣ୍ଡକୁ ଆସିଥିଲେ । କିନ୍ତୁ ଆସୁ ଆସୁ ପାଣ୍ଡ୍ୟାଙ୍କ ବଲ୍ରେ ଆଉଟ ହୋଇଥିଲେ ସୋଏବ ମଲିକ। ଆଉଟ ପରେ ସୋଏବଙ୍କ ମଜାକ ସୋସିଆଲ ମିଡିଆରେ ଉଡାଯାଉଛି। ଏଥିସହ ପାକ୍ ପ୍ରଶଂସକ ସୋଏବଙ୍କୁ କ୍ରିକେଟ ଛାଡି ଦିଅ କହିବାକୁ ମଧ୍ୟ ପଛାଇ ନାହାଁନ୍ତି।
