ୱାସିଂଟନ: ନଭେମ୍ବରରେ ନିର୍ବାଚନ ପୂର୍ବରୁ ଡେମୋକ୍ରାଟିକ୍ ପ୍ରାର୍ଥୀ ଆଗୁଆ ରହୁଥିବାରୁ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଜୋ ବିଡେନଙ୍କ ଦକ୍ଷତା ଉପରେ ପୁଣି ପ୍ରଶ୍ନ କରିଛନ୍ତି। ଏକ ସାକ୍ଷାତକାରରେ ଟ୍ରମ୍ପ କହିଛନ୍ତି, ‘ବିଡେନଙ୍କୁ ଏକ ସାକ୍ଷାତକାର ବସିବାକୁ ଦିଅ, ସେ ମମି କହି କାନ୍ଦିବେ । ସେ କହିବେ ମମି ଦୟାକରି ମୋତେ ଘରକୁ ନେଇଯାଅ।’
ଟ୍ରମ୍ପ ଆହୁରି ମଧ୍ୟ କହିଛନ୍ତି ଯେ ବିଡେନ ସାକ୍ଷାତକାର ଦେଇପାରିବେନି । ସେ ଏଥିପାଇଁ ଅକ୍ଷମ । ଆମେରିକାର ବାରମ୍ବାର କୋରୋନା ସଂକ୍ରମଣର ସଂଖ୍ୟା ବୃଦ୍ଧି ହେଉଥିବା ସହ ବିଡେନଙ୍କ ସମର୍ଥକ ବୃଦ୍ଧି ମଧ୍ୟରେ ଟ୍ରମ୍ପ ପୂର୍ବତନ ଉପରାଷ୍ଟ୍ରପତି ଅଯୋଗ୍ୟ ବୋଲି ଦର୍ଶାଇଛନ୍ତି ।
ଟ୍ରମ୍ପ ଏହା ମଧ୍ୟ କହିଛନ୍ତି ଯେ, ରାଷ୍ଟ୍ରପତି ହେବା ପାଇଁ ତୀକ୍ଷ୍ନ, ବିଚକ୍ଷଣ ଓ କଠୋର ହେବାକୁ ପଡିବ ମାତ୍ର ବିଡେନ୍ ତଳ ମହଲା ଯାଏଁ ବି ଆସନ୍ତି ନାହିଁ । ପ୍ରକାଶଥାଉକି, ବିଡେନ୍ ତାଙ୍କର ନିର୍ବାଚନ ଅଭିଯାନ ଗୁଡିକୁ ସମ୍ପୁର୍ଣ୍ଣ ଭର୍ଚୁଆଲ୍ କରିଛନ୍ତି । ଟ୍ରମ୍ପଙ୍କ କୋରୋନା ଭାଇରସ ପରିଚାଳନାକୁ ସେ ତୀବ୍ର ସମାଲୋଚନା କରିଛନ୍ତି ଓ ଭାଇରସ୍ ସମ୍ବନ୍ଧୀୟ ବିମୁଦ୍ରାକରଣରୁ ଅର୍ଥନୀତିକୁ ପୁନର୍ଜୀବିତ କରିବାକୁ ଏକ ଯୋଜନା ପ୍ରସ୍ତୁତ କରୁଛନ୍ତି । ଟ୍ରମ୍ପଙ୍କ ଜିଦ୍ କାରଣରୁ ଅର୍ଥନୀତି ପଛକୁ ଫେରି ଆସୁଛି ବୋଲି ବିଡେନ କହିଛନ୍ତି ।
