ଦୁବାଇ: ଅଲମ୍ପିକ ଅଂଶଗ୍ରହଣ କରିବାକୁ ଥିବା ଭାରତୀୟ ବକ୍ସର ଅମିତ ପଙ୍ଘଲ, ବିକାଶ କ୍ରୀଷନ ଓ ଆଶିଷଙ୍କ ପାଇଁ ବଡ ଆହ୍ବାନ ଅପେକ୍ଷା କରିଛି । ବୁଧବାର ଏହି ଷ୍ଟାର ଭାରତୀୟ ଖେଳାଳି ASBC ଏସିଆନ ଚମ୍ପିଆନସିପର କ୍ବାର୍ଟର-ଫାଇନାଲ ମ୍ୟାଚ ଖେଳିବେ ।
ବିଶ୍ବ ଚମ୍ପିଆନସିପ ରୌପ୍ୟ ପଦକ ବିଜେତା ଓ ଡିଫେଣ୍ଡିଂ ଚମ୍ପିଆନ ପଙ୍ଘଲ 52 କିଲୋଗ୍ରାମ ବର୍ଗରେ ମଙ୍ଗୋଲିଆର ଖାରଖୁ ଏନଖମାଣ୍ଡଖଙ୍କୁ ଭେଟିବେ । ଏସିଆନ ଅଲମ୍ପିକ କ୍ବାଲିଫାୟର୍ସ ଉଭୟ ଶେଷ ଥର ମୁହାଁମୁହିଁ ହୋଇଥିଲେ ।
2010 ଗୁଆଙ୍ଗଉ ଏସିଆନ ଗେମ୍ସ ଚମ୍ପିଆନ କ୍ରୀଷନ 69 କିଲୋଗ୍ରାମ ବର୍ଗରେ ଇରାନର ମୋସଲେମ ମଲାମିରଙ୍କୁ ଭେଟିବେ । ଆଶିଷ କୁମାର 75 କିଲୋଗ୍ରାମ ବର୍ଗରେ ଓ ନରେନ୍ଦର 91 କିଲୋଗ୍ରାମ ବର୍ଗରେ ଶକ୍ତିଶାଳୀ କାଜାଖାସ୍ତାନ ପ୍ରତିପକ୍ଷଙ୍କୁ ଭେଟିବେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
