ବାଲେଶ୍ବର: ବିଧାନସଭା ନିର୍ବାଚନ ଯେତେ ପାଖେଇ ଆସୁଛି ବିଜେଡିରେ ଦଳ ଛଡା ରାଜନୀତି ସେତେ ବଢୁଛି । ଦଳୀୟ ଟିକେଟ ନପାଇ ଅନେକ ନେତା ଦଳ ଛାଡିଥିବା ବେଳେ ଗତକାଲି ବାଲେଶ୍ବର ଜିଲ୍ଲାର ହେଭିୱେଟ ବିଜେଡି ନେତା ଦଳ ଛାଡିଥିବାବେଳେ ଆଜି ରେମୁଣା ନିର୍ବାଚନ ମଣ୍ଡଳୀର ଆଶାୟୀ ପ୍ରାର୍ଥୀ ଦୀପକ ମଲ୍ଲିକ ବିଜେଡି ଛାଡିଛନ୍ତି ।
ଦୀପକ ମଲ୍ଲିକ ରେମୁଣା ଆସନରୁ ଆଶାୟୀ ପ୍ରାର୍ଥୀ ଥିଲେ କିନ୍ତୁ ତାଙ୍କୱ ସ୍ଥାନରେ ଦଳ ସୁଧାଂଶୁ ଶେଖର ପରିଡାଙ୍କୁ ଟିକେଟ ଦେଇଛି । ଆଜି ଏକ ସାମ୍ବାଦିକ ସମ୍ମିଳନୀରେ ଦୀପକ ତାଙ୍କ ସହ ବିଶ୍ବାସ ଘାତକତା କରାଯାଇଥିବା ଅଭିଯୋଗ କରିଛନ୍ତି । ସେ ଅଭିଯୋଗ କରିଛନ୍ତି ଗତ ଏକ ବର୍ଷ ହେଲା ସେ ନିସ୍ବାର୍ଥ ଭାବେ ଦଳର ସମସ୍ତ କାର୍ଯ୍ୟକ୍ରମ କରୁଥିଲେ ।
ଆହୁରି ମଧ୍ୟ କହିଛନ୍ତି ସେ ଯେତେବେଳେ ବିଜେପି ଛାଡି ବିଜେଡିରେ ଯୋଗଦେଇଥିଲେ ତାଙ୍କୁ ରେମୁଣା ଆସନରୁ ଟିକେଟ ମିଳିବ ବୋଲି କୁହାଯାଇଥିଲା ।
କିନ୍ତୁ ଦଳ ଏବେ ଜଣେ ଯୋଗ୍ୟତା ନଥିବା ବ୍ୟକ୍ତିଙ୍କୁ ଟିକେଟ ଦେଇଛି ତେଣୁ ଦଳରୁ ଇସ୍ତଫା ଦେଇଛି ବୋଲି କହିଛନ୍ତି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
