କୋଲକାତା: ବହୁ ହିଂସାତ୍ମକ କାର୍ଯ୍ୟକଳାପ ପରେ ପଶ୍ଚିମବଙ୍ଗରେ ଶାହଙ୍କ ରୋଡ୍ ଶୋ ଶେଷ ହୋଇଛି । ରୋଡ ଶୋ' ଶେଷ ହେବା ପରେ ବିଜେପି କାର୍ଯ୍ୟକର୍ତ୍ତାଙ୍କୁ ଧନ୍ୟବାଦ ଜଣାଇଛନ୍ତି ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ୍ ଶାହ । କୋଲକାତାରେ ବିଡେପିର ରୋଡ ଶୋ' ସମୟରେ ସହରବାସୀଙ୍କ ଉତ୍ସାହକୁ ଦେଖି ଟିଏମସି ଭୟଭୀତ ହୋଇଉଠିଥିଲା । ତେଣୁ ଏଥିରେ ବାଧା ସୃଷ୍ଟି କରିବାକୁ ଟିଏମସି ଏଭଳି ପଦକ୍ଷେପ ନେଇଥିବା ଶାହା କହିଛନ୍ତି ।
ସୂଚନାଯୋଗ୍ୟ, ଲୋକସଭା ନିର୍ବାଚନର ଅନ୍ତିମ ତଥା ଶେଷ ପର୍ଯ୍ୟାୟ ମତଦାନ ପୂର୍ବରୁ ପଶ୍ଚିମବଙ୍ଗରେ ନିର୍ବାଚନୀ ହିଂସା ଦେଖାଦେଇଛି । କୋଲକାତାରେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ୍ ଶାହଙ୍କ ରାଲି ସମୟରେ ବିଜେପି ସମର୍ଥକ ଓ ଟିଏମସି ଛାତ୍ର ମଧ୍ୟରେ ଖଣ୍ଡଯୁଦ୍ଧ ହୋଇଥିଲା । ରୋଡ ଶୋ' ସମୟରେ ଶାହାଙ୍କ ଗାଡି ଉପରକୁ ଅଣ୍ଡାମାଡ ହେବା ପରେ ଏହି ମାରପିଟ୍ ଆରମ୍ଭ ହୋଇଥିଲା । ଏପରିକି ହିଂସା ବେଳେ କିଛି ଗାଡି ମଧ୍ୟ ଜଳାଇ ଦିଆଯାଇଥିବା ଜଣାପଡିଛି ।
