ଭଞ୍ଜନଗର: ପୁଣି ଗଞ୍ଜାମ ପୋଲିସକୁ ଏକ ବଡ ସଫଳତା । ବୁଗୁଡ଼ା ଥାନା ଚଢେୟାପଲ୍ଲୀ ଛକଠାରେ ପୋଲିସ ପାଟ୍ରୋଲିଙ୍ଗ ବେଳେ କିଛି ଲୋକଙ୍କୁ ଯାଞ୍ଚ କରିଥିଲା । ଏହି ସମୟରେ ଚାରି ଜଣଙ୍କ ପାଖରୁ 628ଟି ଡିଟୋନେଟର, ଗୋଟିଏ ବ୍ୟାଟେରୀ, 70 କିଲୋ ବାରୁଦ ସାମଗ୍ରୀ, 5 ବଣ୍ଡଲ ତାର ଜବତ କରିଛି । ଏହା ସହ ଚାରି ଜଣକୁ ଅଟକ ରଖିଛି ପୋଲିସ ।
ଭିଡିଓ ସୌଜନ୍ୟ: ପ୍ରତିନିଧି, ଗଞ୍ଜାମ
କିଛି ଦିନ ତଳେ ଆସିକା ମାଗୁରା ପ୍ରାଥମିକ ବିଦ୍ୟାଳୟରେ ବିସ୍ଫୋରଣ ହେବାପରେ ପୋଲିସ ତତ୍ପର ହୋଇଉଠିଛି । ଅନ୍ୟପଟେ ଘଟଣା ଘଟିବା ଦିନଠାରୁ ବିଭିନ୍ନ ପଥର କୁଆଁରୀ ଉପରେ ପୋଲିସ ଚଢ଼ାଉ ଜାରି ରଖିଛି କିଛି ମାଫିଆକୁ କୋର୍ଟ ଚାଲାଣ କରିବାରେ ପୋଲିସ ସଫଳତା ପାଇଛି । ତେବେ ଆହୁରି ଅନେକ ସ୍ଥାନରେ ବେଆଇନ ଭାବେ ବ୍ଳାଷ୍ଟିଙ୍ଗ ଚାଲିଛି ବୋଲି ଲୋକେ ଅଭିଯୋଗ କରିଥିବା ବେଳେ ସେମାନଙ୍କ ପାଖରେ ପୋଲିସ କେବେ ପହଁଚୁଛି ତାହା ଦେଖିବାକୁ ବାକିରହିଲା ।
ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ
