ନବରଙ୍ଗପୁର: କାଳ ହେଉଛି ବଜ୍ରପାତ । ରାଜ୍ୟରେ ବଜ୍ରପାତ ଜନିତ ମୃତ୍ୟୁସଂଖ୍ୟା ବଢିବାରେ ଲାଗିଛି । ଏହି କ୍ରମରେ ନବରଙ୍ଗପୁର ଜିଲ୍ଲାର ଝରିଗାଁ ବ୍ଲକରେ ବଜ୍ରାଘାତରେ ତିନି ଜଣଙ୍କ ମୃତ୍ୟୁ ହୋଇଛି । ସୂଚନା ଅନୁଯାୟୀ ସୋମବାର ବଜ୍ରାଘାତରେ ଶିକାର ହୋଇଛନ୍ତି ତିନି ଜଣ ।
ଭିଡିଓ ସୌଜନ୍ୟ: ସମ୍ବାଦଦାତା, ନବରଙ୍ଗପୁର
ସେମାନେ ନିଜ ନିଜ ପରିବାରକୁ ଚଳେଇବାକୁ କିଏ ଗାଈ ଚରେଇବାକୁ ଯାଇଥିବା ବେଳେ ଆଉ କିଏ ଜାଳେଣି କାଠ ସଂଗ୍ରହ କରିବାକୁ ଯାଇଥିଲେ । ଅନ୍ୟଜଣେ କାଜୁ ଚାଷ ଜମିକୁ ଯାଇଥିବା ବେଳେ ହଠାତ ଘଡ଼ଘୋଡ଼ି ସହ ବର୍ଷା ହୋଇଥିଲା । ତେବେ ବଜ୍ରାଘାତରେ ଏହି ତିନିଜଣଙ୍କ ମୃତ୍ୟୁ ହୋଇଛି ।
ମୃତକ ହେଲେ ଝରିଗାଁ ବ୍ଲକ ବକଡ଼ାବେଡା ପଞ୍ଚାୟତ ତୁରୁଞ୍ଜି ଗ୍ରାମର ମାଧବ ପନକା ଓ ଲତାଖଣ୍ଡିଗୁଡ଼ା ପଞ୍ଚାୟତ ପୋଲସରା ଗ୍ରାମର ଲୋଚଲାନ ଗୌଡ଼ ଏବଂ ପୁରୁଲା ଗ୍ରାମର ମରଣ ବଣିକ । ଝରିଗାଁ ପୋଲିସ ଖବର ପାଇ ମୃତଦେହ ଜବତ କରିବା ସହ ତଦନ୍ତ ଜାରି ରଖିଛି । ଘଟଣା ପରେ ଗ୍ରାମରେ ଶୋକର ଛାୟା ଖେଳିଯାଇଛି।
ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ
