ବ୍ରହ୍ମପୁର: ପାରମ୍ପରିକ ପୌରାଣିକ ବେଶର ସମ୍ଭାର ବ୍ରହ୍ମପୁରର ପ୍ରସିଦ୍ଧ ମା ବୁଢ଼ୀ ଠାକୁରାଣୀ ଯାତ୍ରା । ପ୍ରତି ଦୁଇ ବର୍ଷରେ ଥରେ ଏହି ଯାତ୍ରା ଆୟୋଜିତ ହେଉଥାଏ । ବୁଢ଼ୀ ଠାକୁରାଣୀଙ୍କ ସାମୂହିକ ବେଶ ସହରବାସୀଙ୍କୁ ଆକୃଷ୍ଟ କରୁଥିବାବେଳେ ଗାନ୍ଧୀନଗରର 108 ହନୁମାନ ବେଶ ଯାତ୍ରାର ଅନ୍ୟତମ ମୁଖ୍ୟ ଆକର୍ଷଣ ।
ଭିଡିଓ ସୌଜନ୍ୟ: ସମ୍ବାଦଦାତା, ବ୍ରହ୍ମପୁର
ରାମାୟଣର ଚରିତ୍ର ପ୍ରଭୁ ରାମ, ଲକ୍ଷ୍ମଣ, ସୀତା ଏବଂ ରାବଣ ଭଳି ଚରିତ୍ରରେ ବେଶଧାରୀଙ୍କ ଶୋଭାଯାତ୍ରା ବାହାରିଥିଲା । ଗାନ୍ଧୀନଗର ସପ୍ତମ ଲାଇନରୁ ବାହାରି ବିରାଟ ପଟିଆରରେ ସହର ପରିକ୍ରମା କରାଯାଇଥିଲା । ତେବେ ବ୍ରହ୍ମପୁରରେ ବୁଢ଼ୀ ଠାକୁରାଣୀଙ୍କ ଯାତ୍ରା ଚାଲିଥିବାରୁ ମାନସିକଧାରୀଙ୍କ ଏଭଳି ବେଶଭୂଷା ସହରରେ ବେଶ ଆକର୍ଷଣୀୟ କରିଛି ।
ବ୍ରହ୍ମପୁରରୁ ସମାର ଆଚାର୍ଯ୍ୟ, ଇଟିଭି ଭାରତ
