ହାଇଦ୍ରାବାଦ: କଳାକାରଙ୍କ ଅଜବ ବିକ୍ଷୋଭ ପ୍ରଦର୍ଶନ । ଜୁବୁଲି ହିଲ୍ସର ଏକ ଅଗ୍ରଣୀ ଚଳଚ୍ଚିତ୍ର ପ୍ରଡକ୍ସନ୍ ହାଉସ୍ ସମ୍ମୁଖରେ ତେଲୁଗୁ ଫିଲ୍ମର ଜଣେ କଳାକାର ନିଃବସ୍ତ୍ର ହୋଇ ବିକ୍ଷୋଭ କରିଥିଲେ । ଅଭିନେତ୍ରୀ ଜଣଙ୍କ ଅଭିଯୋଗ କରିଛନ୍ତି ଯେ ଫିଲ୍ମ ପ୍ରଡକ୍ସନ୍ କମ୍ପାନୀ କୌଣସି ଏକ ଚଳଚ୍ଚିତ୍ର ପାଇଁ ତାଙ୍କୁ ଟଙ୍କା ଦେଇ ନାହିଁ ।
ଟଙ୍କା ନ ପାଇବାରୁ ପ୍ରଡକ୍ସନ କମ୍ପାନୀ ଆଗରେ ଧାରଣା ଦେଇଥିଲେ । ଜିଏଚଏମସି ସଫେଇ କର୍ମଚାରୀ ରାସ୍ତା ସଫା କରୁଥିବା ସମୟରେ ଅଭିନେତ୍ରୀଙ୍କୁ ଦେଖିଥିଲେ । ସେମାନେ ଏ ନେଇ ପୋଲିସଙ୍କୁ ଖବର ଦେଇଥିଲେ । ଖବର ପାଇ ଜୁବୁଲି ହିଲ୍ସ ପୋଲିସ ଘଟଣାସ୍ଥଳରେ ପହଞ୍ଚିଥିଲେ । ମହିଳା ପୋଲିସଙ୍କ ସହାୟତାରେ ଅଭିନେତ୍ରୀଙ୍କୁ ପୋଲିସ ପୋଷାକ ପିନ୍ଧାଇ ଥାନାକୁ ନେଇଥିଲେ ।
ଅଭିନେତ୍ରୀଙ୍କ ମାନସିକ ସ୍ବାସ୍ଥ୍ୟ ଭଲ ନଥିବା ଅନୁମାନ କରାଯାଉଛି । ଗତ କିଛି ବର୍ଷ ମଧ୍ୟରେ ମହିଳା ଜଣଙ୍କ 3 ଥର ଏପରି କାର୍ଯ୍ୟକଳାପ କରିଛନ୍ତି । ତାଙ୍କୁ ଚିକିତ୍ସାର ଆବଶ୍ୟକତା ରହିଛି ବୋଲି କହିଛନ୍ତି ଜୁବୁଲି ହିଲ୍ସ ପୋଲିସ ଅଧିକାରୀ । ମହିଳାଙ୍କ ଘର ଆନ୍ଧ୍ରପ୍ରଦେଶ । ସେ ଜଣେ ଜୁନିଅର କଳାକାର । ତାଙ୍କର ଏପରି କାର୍ଯ୍ୟ ପାଇଁ ପରିବାର ଅସନ୍ତୋଷ ପ୍ରକାଶ କରିଛନ୍ତି ।
ତାଙ୍କର ଏପରି କରିବା ପଛର ଉଦ୍ଦେଶ୍ୟ ପଚରାଯିବାରୁ ପୋଲିସ ଅଧିକାରୀ କହିଛନ୍ତି, ଏହାର ଭିନ୍ନ ଭିନ୍ନ କାରଣ ରହିଛି । କେତେବେଳେ ଫିଲ୍ମରେ ଅଭିନୟ ପାଇଁ ଏପରି କରୁଥିବା କହିଥିବାବେଳେ ଫିଲ୍ମ ପ୍ରଡକ୍ସନ ତାଙ୍କୁ ଅସଦାଚରଣ କରିଥିବା ଅଭିଯୋଗ କରୁଛନ୍ତି ତ ପୁଣି ବିବାହ କରିବାକୁ କହି ପ୍ରତାରଣା କରିଥିବା କହିଛନ୍ତି ପୋଲିସ ଅଧିକାରୀ । ସେ ଅନେକ ଅଭିଯୋଗ ଆଣୁଥିବା କହିଛନ୍ତି ପୋଲିସ ।
