ଲକ୍ଷ୍ନୌ: ଉତ୍ତର ପ୍ରଦେଶର ମୁଜାଫରରେ ଲୋମଟାଙ୍କୁରା ଘଟଣା । ସ୍ବାମୀର ତୃତୀୟ ବିବାହକୁ ନେଇ ରାଗରେ ଜର୍ଜରିତ ହୋଇ ସ୍ତ୍ରୀ ଖେଳିଲା ରକ୍ତର ହୋଲି । ଶେଷରେ ଉତକ୍ଷିପ୍ତ ହେଇ ସ୍ବାମୀର ଯୌନାଙ୍ଗକୁ କାଟି ନିର୍ମମ ଭାବେ ହତ୍ୟା କଲା ରାକ୍ଷସୀ ସ୍ତ୍ରୀ । ଆଉ ଛଟପଟ ହୋଇ ଜୀବନ ହାରିଲା ସ୍ବାମୀ । ଭୌରକାଲାନା ପୋଲିସ ଷ୍ଟେସନ ଅଞ୍ଚଳର ଶିକରପୁର ଗ୍ରାମରେ ଘଟିଛି ଏହି ଘଟଣା । ଏନେଇ ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ମହିଳା ଜଣଙ୍କୁ ଗିରଫ କରିଛି ।
ମିଳିଥିବା ସୂଚନା ଅନୁଯାଇ ସ୍ବାମୀ ଜଣଙ୍କ ପ୍ରଥମ ବିବାହ କରିବା ପରେ ଦ୍ବିତୀୟ ବିବାହ କରିଥିଲେ ଏହା ପରେ ସେ ତୃତୀୟ ବିବାହ କରିବାକୁ ଚାହୁଁଥିବାରୁ ତାଙ୍କ ଦ୍ବିତୀୟ ସ୍ତ୍ରୀ ଉତକ୍ଷିପ୍ତ ହୋଇ ଏପରି କାଣ୍ଡ ଭିଆଇଥିବା ସ୍ବୀକାର କରିଛନ୍ତି । ସେ କହିଛନ୍ତି ଯେ ମୁଁ ତାଙ୍କ ଦ୍ବିତୀୟ ସ୍ତ୍ରୀ ମୋର 2 ଜଣ ବିବାହିତ ଓ 2 ଜଣ ଅବିବାହିତ ଝିଅ ଅଛନ୍ତି । ସେ ପ୍ରଥମ ବିବାହ ଆଉ ଜଣଙ୍କୁ ମଧ୍ୟ କରିଥିଲେ ।
ତେବେ ତୃତୀୟ ବିବାହ କରିବା ପାଇଁ ସେ ଦ୍ବିତୀୟ ସ୍ତ୍ରୀକୁ ସବୁଦିନ ମାଡ ମାରୁଥିଲେ । ବୁଧବାର ଦିନ ଦୁହିଁଙ୍କ ମଧ୍ୟରେ ଝଗଡା ହେବାରୁ ଏଥିରେ ସ୍ତ୍ରୀ ରାଗିଯାଇ ରାତିରେ ଶୋଇଥିବା ସମୟରେ ସ୍ବାମୀର ଯୌନାଙ୍ଗକୁ ଛୁରୀରେ ଆକ୍ରମଣ କରି ଅତି ନିର୍ମମ ଭାବେ ହତ୍ୟା କରିଥିଲା । ଏନେଇ ପତ୍ନୀ ବିରୋଧରେ ଏକ ହତ୍ୟା ମାମଲା ରୁଜୁ ହୋଇଥିବା କହିଛନ୍ତି ଭୌରକାଲାନା ପୋଲିସ ଷ୍ଟେସନର ଦାୟିତ୍ବରେ ଥିବା ଜିତେନ୍ଦ୍ର ସିଂ ।
ବ୍ୟୁରୋ ରିପୋର୍ଟ, ଇଟିଭି ଭାରତ
