ଚେନ୍ନାଇ: ଏପ୍ରିଲ 6ରେ ହେବାକୁ ଯାଉଛି ବିଧାନସଭା ନିର୍ବାଚନର ତୃତୀୟ ପର୍ଯ୍ୟାୟ ମତଦାନ । ପଶ୍ଚିମବଙ୍ଗ ଓ ଆସାମରେ ରାଜନୈତିକ ମୈଦାନ ସରଗରମ ଥିବାବେଳେ ସେପଟେ ତାମିଲନାଡୁରେ ବଢୁଛି ନିର୍ବାଚନୀ ତାତି । ଏହାରି ମଧ୍ୟରେ ଜୋରଦାର ପ୍ରଚାର ଚଳାଇଛନ୍ତି ନେତା ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶୁକ୍ରବାର କନ୍ୟାକୁମାରୀର ଏକ ରାଲିରେ ବଂଶବାଦ ରାଜନୀତିର ଅଭିଯୋଗ ଆଣିଛନ୍ତି । ଆଜି ଦେଶର ମୁଡ୍ ଭାଇ ଓ ଜାତିବାଦ ବିରୋଧରେ ରହିଥିବା କହିଛନ୍ତି ମୋଦି ।
ପ୍ରଧାନମନ୍ତ୍ରୀ ମୋଦି କହିଛନ୍ତି, ଆମର ଲକ୍ଷ୍ୟ ବିକାଶ ହୋଇଥିବାବେଳେ ଗୋଟିଏ ପଟେ ବିରୋଧୀମାନେ ନିଜକୁ ରାଜବଂଶରେ ସୀମିତ ରଖିଛନ୍ତି। ସେମାନେ ସମସ୍ତେ ନିଜ ପିଲା ଏବଂ ନାତି ନାତୁଣୀଙ୍କ ପାଇଁ ଏହି ସ୍ଥାନ ସୁରକ୍ଷିତ କରିବାକୁ ଚାହୁଁଛନ୍ତି । ରାଜ୍ୟର ପୁଅ ଓ ଝିଅମାନଙ୍କ ବିଷୟରେ ସେମାନଙ୍କର ଚିନ୍ତା ନାହିଁ ବୋଲି କହିଛନ୍ତି ପ୍ରଧାନମନ୍ତ୍ରୀ ।
ପ୍ରଧାନମନ୍ତ୍ରୀ ମୋଦି ନାଗରକ୍ବାଇଲରେ ମତ୍ସ୍ୟଜୀବୀମାନଙ୍କୁ ସେମାନଙ୍କ ସୁରକ୍ଷା ବିଷୟରେ ଆଶ୍ବାସନା ଦେଇଛନ୍ତି। ସେ ଆହୁରି କହିଛନ୍ତି, ‘ମୁଁ ମତ୍ସ୍ୟଜୀବୀମାନଙ୍କୁ ସୁନିଶ୍ଚିତ କରୁଛି ଯେ ସେମାନଙ୍କର ସୁରକ୍ଷା ହେଉଛି ଏନଡିଏର ପ୍ରାଥମିକତା’ ।
