ମମତା ମନ୍ତ୍ରୀମଣ୍ଡଳ ଅଦଳବଦଳ: ସ୍ଥାନ ପାଇଲେ ବାବୁଲ ସୁପ୍ରିୟୋ

ମମତା ବାନାର୍ଜୀଙ୍କ ମନ୍ତ୍ରୀମଣ୍ଡଳରେ ବଡ ଧରଣର ଅଦଳବଦଳ । ନୂଆ ମନ୍ତ୍ରୀମଣ୍ଡଳରେ ସାମିଲ ହେଲେ ବାବୁଲ ସୁପ୍ରିୟୋ । ଅଧିକ ପଢନ୍ତୁ

କୋଲକାତା: ଆଜି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ମନ୍ତ୍ରୀମଣ୍ଡଳରେ ବଡ ଧରଣର ଅଦଳବଦଳ ହୋଇଛି । ମନ୍ତ୍ରୀମଣ୍ଡଳରେ ୫ ଜଣ ନୂଆ ଚେହେରା ସ୍ଥାନ ପାଇଛନ୍ତି । ନବାଗତ ମନ୍ତ୍ରୀଙ୍କ ମଧ୍ୟରେ ସବୁଠୁ ବଡ ଚେହେରା ଅଛନ୍ତି ପୂର୍ବତନ କେନ୍ଦ୍ରମନ୍ତ୍ରୀ ବାବୁଲ ସୁପ୍ରିୟୋ । ମମତାଙ୍କ ନୂଆ ଟିମ୍‌ରେ ବାବୁଲ ସୁପ୍ରିୟୋ ସାମିଲ ହୋଇଛନ୍ତି । ପଶ୍ଚିମବଙ୍ଗ ଏସଏସସି ଦୁର୍ନୀତି ମାମଲାରେ ପାର୍ଥ ଚାଟାର୍ଜୀଙ୍କ ଗିରଫଦାରୀ ପରେ ପଶ୍ଚିମବଙ୍ଗ କ୍ୟାବିନେଟରେ ବଡ ଅଦଳବଦଳ କରିଛନ୍ତି ମୁଖ୍ୟମନ୍ତ୍ରୀ । ଆଜି ସୁପ୍ରିୟୋଙ୍କ ସମେତ ୯ ଜଣ ମନ୍ତ୍ରୀ ଶପଥ ଗ୍ରହଣ କରିବେ । ଶପଥ ନେବାକୁ ଥିବା ଅନ୍ୟାନ୍ୟ ମନ୍ତ୍ରୀଙ୍କ ମଧ୍ୟରେ ସ୍ନେହାଶିଷ ଚକ୍ରବର୍ତ୍ତୀ, ପାର୍ଥ ଭୌମିକ୍, ଉଦୟ ଗୁହା, ପ୍ରଦିବ ମଜୁମଦାର, ବିପ୍ଲବ ରୟ ଚୌଧୁରୀ, ତାଜମୁଲ ହୋସେନ, ସତ୍ୟଜିତ୍ ବରମାନ, ବୀରବାହ ହାସଦା ରହିଥିବା ଜଣାପଡିଛି ।