ନୂଆଦିଲ୍ଲୀ: ଲାଲକିଲ୍ଲା ହିଂସା ଘଟଣାରେ ପାଞ୍ଚ ମାସ ପରେ ଜଣେ ଅଭିଯୁକ୍ତକୁ ଦିଲ୍ଲୀ ପୋଲିସର ସ୍ପେଶାଲ୍ ସେଲ ଗିରଫ କରିଛି। ଲାଲକିଲ୍ଲା ହିଂସା ଏବଂ ପତାକା ଉତ୍ତୋଳନ ମାମଲାରେ ପୋଲିସ ତାକୁ ଖୋଜୁଥିଲା । ତେବେ ତା’ ଉପରେ ଏକ ଲକ୍ଷ ଟଙ୍କା ପୁରସ୍କାର ରାଶି ମଧ୍ୟ ଘୋଷଣା କରାଯାଇଥିଲା ପୋଲିସ । ଆଜି ଅମୃତସରରୁ ପୋଲିସ ତାକୁ ଗିରଫ କରିଛି । ଅଭିଯୁକ୍ତ ଜଣଙ୍କ ଗୁରୁଜୋଟ ସିଂ ବୋଲି ଜଣାପଡିଛି।
ଡିସିପି ସଞ୍ଜୀବ ଯାଦବଙ୍କ ଅନୁଯାୟୀ, ଜାନୁଆରୀ 26 ରେ ଘଟିଥିବା ଲାଲକିଲ୍ଲା ହିଂସା ମାମଲାରେ ଜଡିତ ଥିବା ଗ୍ୟାଙ୍ଗଷ୍ଟାରଙ୍କୁ ଦିଲ୍ଲୀ ପୋଲିସର ବିଭିନ୍ନ ଟିମ୍ ଖୋଜୁଥିଲା । ଏହି ସମୟରେ ସ୍ପେଶାଲ ସେଲର ଉତ୍ତର ରେଞ୍ଜରେ ସୂଚନା ମିଳିଥିଲା ଯେ ଗୁରୁଜୋଟ ସିଂ ତାଙ୍କର କିଛି ସାଥୀଙ୍କୁ ଭେଟିବାକୁ ଆସିବେ । ଏହି ସୂଚନା ପାଇବା ପରେ ସ୍ପେଶାଲ ସେଲର ଟିମ୍ ତାଙ୍କୁ ଅମୃତସରରୁ ଗିରଫ କରିଛି। ପୋଲିସ ଟିମ୍ ତାଙ୍କୁ ଦିଲ୍ଲୀ ଆଣିଛି ଯେଉଁଠାରେ ତାଙ୍କୁ ଅଧିକ ପଚରାଉଚରା କରାଯିବ।
ବ୍ୟୁରୋ ରିପୋର୍ଟ, ଇଟିଭି ଭାରତ
