କୋଲକାତା: ପଶ୍ଚିମବଙ୍ଗର ବରିଷ୍ଠ CPI(M) ନେତା ବାସୁଦେବ ଆଚାର୍ଯ୍ୟଙ୍କର ଆଜି 81 ବର୍ଷ ବୟସରେ ପରଲୋକ ହୋଇଯାଇଛି । ସେ ବାର୍ଦ୍ଧକ୍ୟଜନିତ ଅସୁସ୍ଥତା ପାଇଁ ଗତ କିଛି ମାସ ହେବ ଚିକିତ୍ସାଧୀନ ଥିଲେ । ଆଜି ସେ ହାଇଦ୍ରାବାଦର ଏକ ଘରୋଇ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ଆଖି ବୁଜିଛନ୍ତି । ପଶ୍ଚିମବଙ୍ଗର ଏହି ଭେଟେରାନ ସାମ୍ୟବାଦୀ ନେତା ଲୋକସଭାକୁ ମୋଟ 9 ଥର ନିର୍ବାଚିତ ହୋଇ ଲମ୍ବା ରାଜନୈତିକ ଇନିଂସ ଖେଳିଥିଲେ ।
-
Saddened at the demise of the veteran Left leader and former MP Basudeb Acharia.
— Mamata Banerjee (@MamataOfficial) November 13, 2023 " class="align-text-top noRightClick twitterSection" data="
He was a trade union leader and Parliamentarian of formidable strength and his departure will cause significant loss in public life.
Condolences to his family, friends and colleagues.
">Saddened at the demise of the veteran Left leader and former MP Basudeb Acharia.
— Mamata Banerjee (@MamataOfficial) November 13, 2023
He was a trade union leader and Parliamentarian of formidable strength and his departure will cause significant loss in public life.
Condolences to his family, friends and colleagues.Saddened at the demise of the veteran Left leader and former MP Basudeb Acharia.
— Mamata Banerjee (@MamataOfficial) November 13, 2023
He was a trade union leader and Parliamentarian of formidable strength and his departure will cause significant loss in public life.
Condolences to his family, friends and colleagues.
1942 ମସିହାରେ ପଶ୍ଚିମବଙ୍ଗର ପୁରୁଲିଆରେ ଜନ୍ମଗ୍ରହଣ କରିଥିଲେ ବାସୁଦେବ । ଛାତ୍ରଜୀବନରୁ ସେ ବାମପନ୍ଥୀ ତଥା ସାମ୍ୟବାଦ ଚିନ୍ତାଧାରାରେ ଅନୁପ୍ରାଣିତ ହୋଇଥିଲେ । ରାଜ୍ୟରେ ସାମ୍ୟବାଦୀ ଆନ୍ଦୋଳନରେ ସକ୍ରିୟ ଅଂଶଗ୍ରହଣ କରିଥିଲେ । ବିଭିନ୍ନ ସାମାଜିକ ଆନ୍ଦୋଳନ ଓ ଆଦିବାସୀ ସୁରକ୍ଷା ଆନ୍ଦୋଳନରେ ସକ୍ରିୟ ଅଂଶଗ୍ରହଣ କରି ସେ ଯୁବନେତା ଭାବେ ନିଜର ଏକ ଭିନ୍ନ ପରିଚୟ ସୃଷ୍ଟି କରିପାରିଥିଲେ । ଏହା ପରେ ସେ ଭାରତୀୟ କମ୍ୟୁନିଷ୍ଟ ପାର୍ଟି (ମାର୍କବାଦୀ) ରେ ଯୋଗଦାନ କରିଥିଲେ । ଏହିଠାରୁ ତାଙ୍କର ସକ୍ରିୟ ରାଜନୀତି ଜୀବନ ଆରମ୍ଭ ହୋଇଥିଲା । ସେ ପଶ୍ଚିମବଙ୍ଗର ବାଙ୍କୁରା ସଂସଦୀୟ କ୍ଷେତ୍ରରୁ ସିପିଆଇ(ଏମ) ଟିକେଟରେ ସାଧାରଣ ନିର୍ବାଚନର ପ୍ରତିଦ୍ବନ୍ଦ୍ବିତା କରିଥିଲେ ।
1980 ମସିହାରେ ପ୍ରଥମ ଥର ସେ ବାଙ୍କୁରା ସଂସଦୀୟ ଆସନରୁ ସାଂସଦ ଭାବେ ନିର୍ବାଚିତ ହୋଇ ଲୋକସଭାରେ ପହଞ୍ଚିଥିଲେ । ଏହି ପାରମ୍ପରିକ ଆସନରୁ ସେ କ୍ରମାଗତ 2014 ପର୍ଯ୍ୟନ୍ତ ମୋଟ 9 ଥର ଲୋକସଭାକୁ ନିର୍ବାଚିତ ହୋଇଥିଲେ । 2014 ମସିହାରେ ସେ ପରାଜୟର ସାମ୍ନା କରିବାକୁ ବାଧ୍ୟ ହୋଇଥିଲେ । ତାଙ୍କୁ ନିଜ ପାରମ୍ପରିକ ଆସନରେ ତୃଣମୂଳ କଂଗ୍ରେସର ପ୍ରାର୍ଥୀ ମନସୁନ ସେନଙ୍କ ଠାରୁ ପରାଜିତ ହେବାକୁ ପଡିଥିଲା । ଏହା ପରେ ସେ ସକ୍ରିୟ ରାଜନୀତିରୁ ସାମାନ୍ୟ ଦୂରରେ ରହିଥିଲେ । ତାଙ୍କର ସ୍ବାସ୍ଥ୍ୟଗତ ସମସ୍ୟା ମଧ୍ୟ ଦେଖାଯାଇଥିଲା ।
ଏହା ମଧ୍ୟ ପଢନ୍ତୁ :- ମା’ ଲକ୍ଷ୍ମୀଙ୍କ ସ୍ବରୂପ ଓ ଅସ୍ଥିତ୍ବକୁ ନେଇ କଟାକ୍ଷ, ପୁଣି ବିବାଦରେ ସ୍ବାମୀ ପ୍ରସାଦ ମୌର୍ଯ୍ୟ
ତେବେ ଗତ କିଛି ମାସ ହେବ ଏହି ଭେଟେରାନ ନେତା ବାର୍ଦ୍ଧକ୍ୟଜନିତ ଅସୁସ୍ଥତା କାରଣରୁ ହସ୍ପିଟାଲରେ ଭର୍ତ୍ତି ଥିଲେ । ଆଜି ତାଙ୍କ ଦେହାନ୍ତ ଖବର ପ୍ରସାରିତ ହେବା ପରେ ବିଭିନ୍ନ ବିଶିଷ୍ଟ ବ୍ୟକ୍ତିବିଶେଷ ତାଙ୍କ ରାଜନୈତିକ ଅବଦାନକୁ ସ୍ମରଣ କରିବା ସହ ଶୋକ ପ୍ରକାଶ କରିଛନ୍ତି । ମୁଖ୍ୟମନ୍ତ୍ରୀ ମମତା ବାନାର୍ଜୀ ମଧ୍ୟ ତାଙ୍କ ଦେହାନ୍ତରେ ଶୋକ ପ୍ରକାଶ କରିବା ସହ ଦିବଙ୍ଗତ ଆତ୍ମାର ସଦଗତି କାମନା କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
