ନୂଆଦିଲ୍ଲୀ: ଟୀକାକରଣକୁ ସହଜ କରିବା ପାଇଁ ଆସିଲା ନୂଆ ଉପାୟ । ଏଥର ହ୍ବାଟ୍ସଆପ ଜରିଆରେ ସ୍ଲଟ ବୁକ କରିପାରିବେ ହିତାଧିକାରୀ । ଚଳିତ ବର୍ଷ ଶେଷ ସୁଦ୍ଧା ସମସ୍ତ ଭାରତୀୟଙ୍କୁ ଟୀକାକରଣ କରିବାର ଲକ୍ଷ୍ୟକୁ ଦୃଷ୍ଟିରେ ରଖି ସରକାର ଆଜି ଆଉ ଏକ ବଡ ନିଷ୍ପତ୍ତି ନେଇଛନ୍ତି । ଏଣିକି ହ୍ବାଟ୍ସଆପ ଯୋଗେ ଟିକା ପାଇଁ ସ୍ଲଟ ବୁକ୍ କରିପାରିବେ ସାଧାରଣ ଜନତା । କେନ୍ଦ୍ର ସ୍ବାସ୍ଥ୍ୟମନ୍ତ୍ରୀ ମାନସୁଖ ମାଣ୍ଡଭିୟ ଟ୍ବିଟ ଯୋଗେ ସୂଚନା ଦେଇ ଆଜିଠାରୁ ଏହୁି ସୁବିଧା ଉପଲବ୍ଧ ହେଉଥିବା କହିଛନ୍ତି ।
ସେ ଆହୁରି ମଧ୍ୟ କହିଛନ୍ତି ଯେ ଲୋକଙ୍କ ସୁବିଧାକୁ ଦୃଷ୍ଟିରେ ରଖି ଏପରି ବ୍ୟବସ୍ଥା କରାଯାଇଛି । ହ୍ବାଟ୍ସଆପ MyGovIndia Corona Helpdesk କୁ ବୁକ ସ୍ଲଟ ପଠାଇ ଏହି http://wa.me/919013151515 ଲିଙ୍କ ମାଧ୍ୟମରେ ସ୍ଲଟ ବୁକିଂ କରିପାରିବେ । ସେହିପରି ପୂର୍ବରୁ ହ୍ବାଟ୍ସଆପରେ ଟୀକାକରଣ ପ୍ରମାଣପତ୍ର ମିଳିବା ନେଇ ସୂଚନା ଦେଇଛନ୍ତି କେନ୍ଦ୍ର ସ୍ବାସ୍ଥ୍ଯମନ୍ତ୍ରୀ ।
@ANI
