ଲକ୍ଷ୍ମୌ: ତାମିଲନାଡୁ ମୁଖ୍ୟମନ୍ତ୍ରୀଙ୍କ ପୁଅ ତଥା ମନ୍ତ୍ରୀ ଉଦୟନିଧି ଷ୍ଟାଲିନଙ୍କ ସନାତନ ଧର୍ମ ବିରୋଧି ମନ୍ତବ୍ୟକୁ ନେଇ ସରଗରମ ରାଜନୀତି । ଉଦୟନିଧି ଷ୍ଟାଲିନଙ୍କ ଧର୍ମ ବିରୋଧି ମତକୁ ନେଇ ତୀବ୍ର ପ୍ରତିକ୍ରିୟା ପ୍ରକାଶ ପାଉଛି । ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଉଦୟନିଧି ଷ୍ଟାଲିନଙ୍କୁ କଡା କଟାକ୍ଷ କରିଛନ୍ତି । ଯିଏ ଧର୍ମକୁ ବିନାଶ କରିବାକୁ ଚାହିଁବ ସେ ନିଜେ ବିନାଶ ହୋଇଯିବ ବୋଲି କହିଛନ୍ତି ଯୋଗୀ ଆଦିତ୍ୟନାଥ ।
ଜନ୍ମାଷ୍ଟମୀ ଅବସରରେ ଗୁରୁବାର ଦିନ ଉତ୍ତରପ୍ରଦେଶର ରାଜଧାନୀ ଲକ୍ଷ୍ମୌ ସ୍ଥିତ ପୋଲିସ ଲାଇନ ଗ୍ରାଉଣ୍ଡରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ ମୁଖ୍ୟମନ୍ତ୍ରୀ ଆଦିତ୍ୟନାଥ ଯୋଗୀ । ମୁଖ୍ୟମନ୍ତ୍ରୀଙ୍କ ସମେତ ମହୋତ୍ସବରେ ଉପମୁଖ୍ୟମନ୍ତ୍ରୀ ବ୍ରିଜେଶ ପାଠକ, ମୁଖ୍ୟ ସଚିବ ଦୁର୍ଗା ଶଙ୍କର ମିଶ୍ରା, ଡିଜିପି ବିଜୟ କୁମାର ସମେତ ଅନ୍ୟ ଅଧିକାରୀମାନେ ସାମିଲ ହୋଇଥିଲେ । ସେଠାରେ ଜନ୍ମାଷ୍ଟମୀ ମହୋତ୍ସବ ପାଳନ କରିବା ସହ ସନାତନ ଧର୍ମ ନେଇ ମତ ରଖିଥିଲେ ।
ଏହାମଧ୍ୟ ପଢନ୍ତୁ.. Sanatana Dharma row: ଉଦୟାନିଧିଙ୍କ ନାମରେ ସୁପ୍ରିମକୋର୍ଟରେ ମାମଲା
ଉଦୟନାଥ ଷ୍ଟାଲିନଙ୍କ ଧର୍ମ ବିରୋଧି ମତକୁ କଡା କଟାକ୍ଷ କରିବାକୁ ଯାଇ ଯୋଗୀ କହିଥିଲେ," ଯିଏ ସନାତନ ଧର୍ମ ବିନାଶ କରିବାକୁ ଚାହିଁବ ସେ ନିଜେ ବିନାଶ ହୋଇଯିବେ । ସନାତନ ଧର୍ମକୁ ବିନାଶ କରିବାକୁ ରାବଣ ଚେଷ୍ଟା କରିଥିଲା । ସନାତନ ଧର୍ମ ଧ୍ୱଂସ କରିବାକୁ କଂସ ବି ଚେଷ୍ଟା କରିଥିଲା । ହେଲେ ସନାତନ ଧର୍ମର ବିନାଶ ହେଲାନି ବରଂ ଧର୍ମର ବିନାଶକାରୀ ନିଜେ ବିନାଶ ହୋଇଗଲେ ।"
