ରାୟପୁର: କୋରୋନା କେତେ କ୍ରୁର ହୋଇପାରେ ତାହାର ଏକ ଚିତ୍ର ସାମ୍ନାକୁ ଆସିଛି । ଛତିଶଗଡରେ କୋରୋନାର ମହାତାଣ୍ଡବ ରଚୁଥିବା ବେଳେ ପୁଣି ଏକ ହୃଦୟଥରା ଦୃଶ୍ୟ ଦେଖିବାକୁ ମିଳୁଛି । ଛତିଶଗଡରେ କୋରୋନାର ଦ୍ବିତୀୟ ଲହରୀ ସାଙ୍ଘାତିକ ହୋଇପଡିଛି । ସଂକ୍ରମିତ ସଂଖ୍ୟା ବଢିବା ସହ ମୃତକଙ୍କ ସଂଖ୍ୟାରେ ବ୍ରେକ ଲାଗୁନି । ଫଳରେ ହସ୍ପିଟାଲର ଶବଗୃହରେ ମୃତଦେହ ରଖିବାକୁ ସ୍ଥାନ ମିଳୁନି । ଏପରିକି ଅନ୍ତିମ ସଂସ୍କାର ପାଇଁ ଜାଗା ଟିଏ ନାହିଁ । ଏହାରି ଭିତରେ ଆଉ ଏକ ଚିତ୍ର କୋରୋନାର କରୁଣ କାହାଣୀ କହୁଛି ।
କୋରୋନାରେ ଆକ୍ରାନ୍ତ ହୋଇ ବାପାଙ୍କ ଦେହାନ୍ତ ପରେ ପରିବା ମାର୍କେଟରେ ଶ୍ରାଦ୍ଧ ଦେଉଛନ୍ତି ଦୁଇ ଭଉଣୀ । ନୱାପର ପରିବା ମାର୍କେଟରେ 14 ଓ 19 ବର୍ଷୀୟ ଦୁଇ ଝିଅ ନିଜ ବାପାଙ୍କ ସ୍ମୃତିରେ ଶ୍ରାଦ୍ଧ ଦେଇଛନ୍ତି । ଏପ୍ରିଲ 9 ତାରିଖରେ କୋରୋନାରେ ବାପାଙ୍କୁ ହରାଇଛନ୍ତି । ଘରେ କୌଣସି ଭାଇ ନଥିବାରୁ ଦୁଇ ଉଭଣୀ ଶ୍ରାଦ୍ଧ ଦେଇଛନ୍ତି ।
ଛତିଶଗଡରେ କୋରୋନା ମାରାତ୍ମକ ହୋଇପଡିଛି । ପ୍ରତ୍ୟେକ ଦିନ ବିଭିନ୍ନ ଘାଟରେ କୋରୋନାରେ ପ୍ରାଣ ହରାଇଥିବା ନିଜ ପ୍ରିୟଜନଙ୍କ ଉଦ୍ଦେଶ୍ୟରେ ଶ୍ରାଦ୍ଧ ଦିଆଯାଉଛି ।ସୂଚନାଯୋଗ୍ୟ,ବର୍ତ୍ତମାନ ସୁଦ୍ଧା ଛତିଶଗଡର ରାୟପୁରରେ 1632 ଜଣଙ୍କ କୋରୋନାରେ ମୃତ୍ୟୁ ହୋଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
