ରାଞ୍ଚି: ଝାଡଖଣ୍ଡର ଚାଇବାସା ଅଞ୍ଚଳରେ ଆଇଡି ବିସ୍ଫୋରଣ ହୋଇଛି । ଏଥିରେ 3 ଜଣ ଯବାନ ଶହୀଦ ହୋଇଥିବାବେଳେ ଦୁଇ ଜଣ ଯବାନ ଗୁରୁତର ଆହତ ହୋଇଛନ୍ତି । ଲାଞ୍ଜି ଜଙ୍ଗଲରେ ବିସ୍ଫୋରଣ ହୋଇଥିବା ସୂଚନା ମିଳିଛି ।
ଚାଇବାସା ଟୋକଲୋ ଥାନାର ଲାଞ୍ଜି ଗାଁ ସ୍ଥିତ ଜଙ୍ଗଲରେ ଜିଲ୍ଲା ପୋଲିସ ଓ ସିଆରପିଏଫ ଯବାନ ସର୍ଚ୍ଚ ଅପରେସନ କରୁଥିଲେ । ଏହି ସମୟରେ ନକ୍ସଲ ମାନେ ଆଇଡି ବସ୍ଫୋରଣ କରିଛନ୍ତି । ଏଥିରେ 3 ଜଣ ଯବାନ ଶହୀଦ ହୋଇଥିବାବେଳେ 2 ଜଣ ଯବାନ ଗୁରୁତର ଆହତ ହୋଇଛନ୍ତି ।
ଆହତ ଯବାନଙ୍କୁ ଏୟାରଲିଫ୍ଟରେ ରାଞ୍ଚି ନିଆଯାଇଥିବା ସୂଚନା ମିଳିଛି । ସେପଟେ ଘଟଣା ପରେ ବରିଷ୍ଠ ଅଧିକାରୀମାନେ ଘଟଣାସ୍ଥଳକୁ ଯାଇଛନ୍ତି । ଶହୀଦ ହୋଇଥିବା ତିନି ଜଣ ଯବାନ ହେଲେ କନେଷ୍ଟବଲ ହରିଦ୍ବାର ଶାହ, କିରଣ ସୁରୀନ ଓ ହେଡ କନେଷ୍ଟବଲ ଦେବେନ୍ଦ୍ର କୁମାର ପଣ୍ଡିତ ।
ସେହିପରି ଆହତ ହୋଇଥିବା ଯବାନ ହେଲେ କନେଷ୍ଟବଲ ଦୀପ ଟେପନେ ଓ ନିକ୍କୁ ଉଖାୱ ।
