ରାଞ୍ଚି: ଗିରଫ ହେଲେ ଦୁଇ ହାର୍ଡକୋର ମାଓବାଦୀ । ଏହି ଦୁଇ ସବ-ଜୋନାଲ କମାଣ୍ଡରଙ୍କୁ ବୁଲବୁଲ ଓ ପେସହ୍ରାର ଜଙ୍ଗଲ ଅଞ୍ଚଳରୁ ଆଜି ଝାଡଖଣ୍ଡ ପୋଲିସ ଗିରଫ କରିଛି । ତେବେ ଏହି ଦୁଇ ହାର୍ଡକୋର ମାଓବାଦୀଙ୍କ ନାଁରେ ଧରାଇବା ପାଇଁ ୫ ଲକ୍ଷ ଟଙ୍କାର ପୁରସ୍କାର ରାଶି ଥିଲା ।
ତେବେ ଏହି ଦୁଇ ମାଓବାଦୀ ହେଉଛନ୍ତି ସୁଦର୍ଶନ ଭୂୟାଁ ଏବଂ ବାଳକ ଗଞ୍ଜୁ । ଏମାନେ ସବ-ଜୋନାଲ କମାଣ୍ଡର ଭାବେ (ସିପିଆଇ ପାର୍ଟି) ମାଓବାଦୀ ସଂଗଠନରେ ବହୁ ଦିନ ଧରି କାର୍ଯ୍ୟ କରୁଥିଲେ । ସେହିପରି ଏମାନଙ୍କୁ ଧରିବା ଲାଗି ଝାଡଖଣ୍ଡ ପୋଲି ପକ୍ଷରୁ ଏକ ସ୍ବତନ୍ତ୍ର ଅପରେସନ କରାଯାଇଥିଲା । ଏଥିପାଇଁ ୧୨ ଦିନର ଅପରେସନ କରିବାକୁ ପଡିଥିବା ବେଳେ ଏହାର ନାମ ଅପରେସନ ନାମ ରହିଥିଲା 'ଅପରେସନ ଡବଲ ବୁଲ' ।
ଅନ୍ୟପଟେ ସନ୍ଧାନ ସମୟରେ ବିପୁଳ ପରିମାଣର ଅସ୍ତ୍ରଶସ୍ତ୍ର ଜବତ କରାଯାଇଛି । ଏମାନେ ଓଡିଶା ସମେତ ବିଭିନ୍ନ ପଡୋଶୀ ରାଜ୍ୟରେ ବଡ ଆକ୍ରମଣ ଯୋଜନାକୁ ପଣ୍ଡ କରି ଦେଇଛି ପୋଲିସ ।
ବ୍ୟୁରୋ ରିପୋର୍ଟ, ଇଟିଭି ଭାରତ
