ନୂଆଦିଲ୍ଲୀ: କୋରୋନା ସଂକ୍ରମଣକୁ ଦୃଷ୍ଟିରେ ରଖି ଦେଶରେ ରୀତିମତ ଜାରି ରହିଛି କୋରୋନା ସାମ୍ପଲ ଟେଷ୍ଟ। ଯାହା ଏବେ 11 କୋଟି ପାର କରିଛି । ଏହି ଟେଷ୍ଟ କାରଣରୁ ସଂକ୍ରମଣ ସଂଖ୍ୟା ପୂର୍ବ ଅପେକ୍ଷା ହ୍ରାସ ପାଉଥିବା ଦେଖିବାକୁ ମିଳିଛି।
ତେବେ ଇଣ୍ଡିଆନ କାଉନସିଲ ଅଫ ମେଡିକାଲ ରିସର୍ଚ୍ଚ (ଆଇସିଏମଆର) ମୁତାବକ, ନଭେମ୍ବର 4 ତାରିଖରେ ସର୍ବାଧିକ 12 ଲକ୍ଷ 09 ହଜାର 425ଟି ଟେଷ୍ଟ କରାଯାଇଛି । ଯାହାକୁ ମିଶାଇ ବର୍ତ୍ତମାନ 11 କୋଟି 42 ଲକ୍ଷ 08 ହଜାର 384ଟି ଟେଷ୍ଟ ସରିଛି ।
ଅନ୍ୟପଟେ ଦେଶରେ ବର୍ତ୍ତମାନ ସୁଦ୍ଧା ମୋଟ 83 ଲକ୍ଷ 64 ହଜାର 086ରେ ପହଞ୍ଚିଛି ସଂକ୍ରମଣ ସଂଖ୍ୟା । ସେହିପରି ମୋଟ ସଂକ୍ରମିତଙ୍କ ମଧ୍ୟରୁ 1 ଲକ୍ଷ 24 ହଜାର 315 ଜଣଙ୍କର ମୃତ୍ୟୁ ହୋଇଛି। ସେଥିମଧ୍ୟରୁ 77 ଲକ୍ଷ 11 ହଜାର 809 ଜଣ ସୁସ୍ଥ ହୋଇଛନ୍ତି । ବର୍ତ୍ତମାନ 5 ଲକ୍ଷ 27 ହଜାର 962 ଜଣ ଆକ୍ରାନ୍ତ ଚିକିତ୍ସାଧୀନ ଅଛନ୍ତି ।
