କାବୁଲ: ଆଫଗାନିସ୍ଥାନରେ ବିସ୍ପୋରଣ । ବିସ୍ପୋରଣରେ ତିନି ପୋଲିସ ଅଧିକାରୀଙ୍କ ମୃତ୍ୟୁ ହୋଇଥିବା ବେଳେ ଦୁଇଜଣ ଗୁରୁତର ଭାବରେ ଆହତ ହୋଇଛନ୍ତି ।
ଦକ୍ଷିଣ ଆଫଗାନିସ୍ଥାନର କାନ୍ଦାହାର ନିକଟରେ ଶୁକ୍ରବାର ଭୟଙ୍କର ବିସ୍ଫୋରଣ ହୋଇଛି । ବିସ୍ଫୋରଣରେ ତିନିଜଣ ପୋଲିସ ଅଧିକାରୀଙ୍କ ମୃତ୍ୟୁ ହୋଇଥିବା ବେଳେ ଦୁଇ ପୋଲିସ ଅଧିକାରୀ ଗୁରୁତର ଭାବରେ ଆହତ ହୋଇଛନ୍ତି । ଆହତ ଅଧିକାରୀଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି ।
ଆଫଗାନିସ୍ଥାନରେ ତାଲିବାନ ଇସଲାମିଷ୍ଟଙ୍କ ମଧ୍ୟରେ ଲଗାତାର ବିବାଦ ଲାଗି ରହିଥିବା ଦେଖିବାକୁ ମିଳିଛି । ଏହି ବିସ୍ଫୋରଣ ତାଲିବାନ ଗୋଷ୍ଠୀ ରଚିଥିବା ସନ୍ଦେହ କରାଯାଉଥିବା ବେଳେ କୌଣସି ସଠିକ ସୂଚନା ମିଳିନାହିଁ । ପୋଲିସ ଘଟଣାରେ ଇସଲାମିଷ୍ଟ ଗୋଷ୍ଠୀ ବିରୋଧରେ ଅପରେସନ ଜାରି ରଖିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
