ନୂଆଦିଲ୍ଲୀ: ଆଜିଠୁ ସଂସଦର 5 ଦିନିଆ ସ୍ବତନ୍ତ୍ର ଅଧିବେଶନ ଆରମ୍ଭ । ଏହା ପୂର୍ବରୁ ଲୋକସଭାରେ ଅଭିଭାଷଣ ରଖିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏହି ଅଧିବେଶନ ଛୋଟ ମାତ୍ର ସମୟ ଅନୁସାରେ ଏହା ବହୁତ ମୂଲ୍ୟବାନ । ଏହା ଐତିହାସିକ ନିର୍ଣ୍ଣୟର ଅଧିବେଶନ ଓ ଐତିହାସିକ ଅବସର ବୋଲି କହିଛନ୍ତି ପ୍ରଧାନମନ୍ତ୍ରୀ ।
-
#WATCH | PM Narendra Modi says, "...This session of the Parliament is short but going by the time, it is huge. This is a session of historic decisions. A speciality of this session is that the journey of 75 years is starting from a new destination...Now, while taking forward the… pic.twitter.com/suOuM2pnyH
— ANI (@ANI) September 18, 2023 " class="align-text-top noRightClick twitterSection" data="
">#WATCH | PM Narendra Modi says, "...This session of the Parliament is short but going by the time, it is huge. This is a session of historic decisions. A speciality of this session is that the journey of 75 years is starting from a new destination...Now, while taking forward the… pic.twitter.com/suOuM2pnyH
— ANI (@ANI) September 18, 2023#WATCH | PM Narendra Modi says, "...This session of the Parliament is short but going by the time, it is huge. This is a session of historic decisions. A speciality of this session is that the journey of 75 years is starting from a new destination...Now, while taking forward the… pic.twitter.com/suOuM2pnyH
— ANI (@ANI) September 18, 2023
ସଂସଦର ସ୍ବତନ୍ତ୍ର ଅଧିବେଶନ ପୂର୍ବରୁ ଅଭିଭାଷଣ ରଖି ପ୍ରଧାନମନ୍ତ୍ରୀ କହିଛନ୍ତି,''ଏକ ପ୍ରକାର ଉତ୍ସାହର ମାହୋଲ । ସମଗ୍ର ଦେଶରେ ଆମେ ଏକ ନୂଆ ଆତ୍ମବିଶ୍ବାସ ଅନୁଭବ କରୁଛୁ । ଏହି ସୟମରେ ସଂସଦର ଏହି ସ୍ବତନ୍ତ୍ର ଅଧିବେଶନ ଛୋଟ ମାତ୍ର ସମୟ ଆନୁସାରେ ବହୁତ ଗୁରୁତ୍ବପୂର୍ଣ୍ଣ । ଏହା ଐତିହାସିକ ନିର୍ଣ୍ଣୟର ଅଧିବେଶନ । ଏହି ଅଧିବେଶନର ଗୋଟିଏ ସ୍ବତନ୍ତ୍ରତା 75 ବର୍ଷ ଯାତ୍ରା ନୂଆ ସ୍ଥାନରୁ ଆରମ୍ଭ ହୋଇଛି । 75 ବର୍ଷ ଯାତ୍ରା ପ୍ରେରଣାଦାୟକ ଥିଲା ଏବେ ନୂଆ ସ୍ଥାନରୁ ନୂଆ ସଂକଳ୍ପ, ନୂଆ ବିଶ୍ବାସକୁ ନେଇ ଯାତ୍ରା ଆରମ୍ଭ ହେବ । 2047 ସୁଦ୍ଧା ଦେଶକୁ ବିକଶିତ ଦେଶ କରିବାକୁ ହେବ । ଆଗକୁ ଯେତେ ବି ନିର୍ଣ୍ଣୟ ହେବାକୁ ଯାଉଛି ତାହା ନୂଆ ସଂସଦ ଭବନରୁ ହେବ । ଆସନ୍ତାକାଲି ଗଣେଶ ଚତୁର୍ଥୀ । ତାଙ୍କୁ ବିଘ୍ନହର୍ତ୍ତା ଦେବତା କୁହନ୍ତି । ଏବେ ଭାରତ ବିକାଶ ଯାତ୍ରାରେ କୌଣସି ବିଘ୍ନ ରହିବ ନାହିଁ । ଏବେ ଭାରତ ନିବିଘ୍ନରେ ସମସ୍ତ ସଂକଳ୍ପ, ସ୍ବପ୍ନ ପୂରଣ କରିବ । ତେଣୁ ଗଣେଶ ଚତୁର୍ଥୀ ଦିନ ନୂଆ ଭାରତର ସ୍ବପ୍ନକୁ ସତ କରିବ ତେଣୁ ଏହି ଅଧିବେଶନ ଛୋଟ ମାତ୍ର ଐତିହାସିକ ଅବସର ହେବାକୁ ଯାଉଛି ।''
ପ୍ରଧାନମନ୍ତ୍ରୀ କହିଛନ୍ତି, '' ଏହା ଏକ ଛୋଟିଆ ଅଧିବେଶନ । ସାଂସଦଙ୍କର ଅଧିକରୁ ଅଧିକ ସମୟ ଉତ୍ସାହର ସହ ମିଳୁ । କାନ୍ଦିବା ପାଇଁ ବହୁତ ସମୟ ଅଛି । ଜୀବନରେ କିଛି ସମୟ ଏମିତି ଥାଏ ଯାହା ବିଶ୍ବାସରେ ଭରିଯାଏ । ମୁଁ ଏହି ଛୋଟ ଅଧିବେଶନକୁ ଉତ୍ସୁକତାର ସହ ଦେଖୁଛି । ମୁଁ ଆଶା କରୁଛି ପୁରୁଣା ଭୁଲକୁ ଛାଡି ଉତ୍ତମରୁ ଅତି ଉତ୍ତମ ଭଲକୁ ସାଥୀରେ ନେଇ ନୂଆ ସଂସଦରେ ପ୍ରବେଶ କରିବା । ନୂଆ ସଂସଦରେ ଭଲର ମୂଲ୍ୟବୃଦ୍ଧିରେ କୌଣସି ତ୍ରୁଟି କରିବା ନାହିଁ । ଏହି ପଣ ସମସ୍ତ ସାଂସଦ ନେଇ ଚାଲିବାକୁ ହେବ ।''
ପ୍ରଧାନମନ୍ତ୍ରୀ ଅଭିଭାଷଣରେ ଆହୁରି କହିଛନ୍ତି, ''ଚନ୍ଦ୍ରଯାନ-3 ମୁନ ମିଶନର ସଫଳ ହୋଇଛି । ଚନ୍ଦ୍ରରେ ଆମ ଜାତୀୟ ପତାକା ତ୍ରିରଙ୍ଗା ଉଡିଛି । ଶିବ ଶକ୍ତି ପଏଣ୍ଟ ନୂଆ ପ୍ରେରଣାର କେନ୍ଦ୍ର ହୋଇଛି । ତ୍ରିରଙ୍ଗା ପଏଣ୍ଟ ଆମକୁ ଗର୍ବିତ କରିଛି । ସମଗ୍ର ବିଶ୍ବରେ ଯେବେ ଏହି ଉପଲବ୍ଧି ମିଳେ ଏହା ଆଧୁନିକତା, ବିଜ୍ଞାନ ଓ ପ୍ରଯୁକ୍ତିବିଦ୍ୟା ସହ ଯୋଡିଥାଏ । ଏହି ସାମର୍ଥ୍ୟ ଯେବେ ବିଶ୍ବ ଆଗରେ ଆସେ ଭାରତ ପାଇଁ ଅନେକ ସମ୍ଭାବନା, ଅବସର ଦ୍ବାର ପାଖରେ ପହଞ୍ଚିଥାଏ ।''
ପ୍ରକାଶ ଥାଉ କି, ଆଜିଠୁ ସଂସଦର 5 ଦିନିଆ ସ୍ବତନ୍ତ୍ର ଅଧିବେଶନ ଆରମ୍ଭ ହେବ । ଅଧିବେଶନର ପ୍ରଥମ ଦିନ ଅର୍ଥାତ ଆଜି ରାଜ୍ୟସଭାର 75 ବର୍ଷର ସଂସଦୀୟ ଯାତ୍ରା, ଉପଲବ୍ଧି ହାସଲ ଉପରେ ଚର୍ଚ୍ଚା ହେବ । ପ୍ରଥମ ଦିନ ପୁରୁଣା ସଂସଦ ଭବନରେ ଅଧିବେଶନ ହେବ । ଦ୍ବିତୀୟ ଦିନଠୁ ଗଣେଶ ଚତୁର୍ଥୀରେ ନୂଆ ସଂସଦ ଭବନରେ ଅନୁଷ୍ଠିତ ହେବ । ପ୍ରଥମ ଦିନରେ ସମ୍ବିଧାନ ସଭା ଠାରୁ ଆରମ୍ଭ କରି ସଂସଦର 75 ବର୍ଷ ଯାତ୍ର ଉପରେ ଆଲୋଚନା ହେବ । ଏହି ସ୍ବତନ୍ତ୍ର ଅଧିବେଶନରେ ସରକାର 8ଟି ବିଲ ଉପସ୍ଥାପନ ଓ ଗୃହିତ କରିପାରନ୍ତି ।
