ଶ୍ରୀନଗର: ଜମ୍ମୁ କାଶ୍ମୀର ବୁଡଗାମ ପୋଲିସ ଷ୍ଟେସନ ଉପରେ ଗ୍ରେନେଡ ମାଡ । ଆଜି(ମଙ୍ଗଳବାର) ରାତି ପାଖାପାଖି 9ଟା 15ରେ ଆତଙ୍କବାଦୀ ଏହି ଗ୍ରେନେଡ ମାଡ କରିଥିବା ସୂଚନା । ତେବେ ପୋଲିସ ଷ୍ଟେସନ ଆଡକୁ ଗ୍ରେନେଡ ମାଡ ହୋଇଥିଲେ ମଧ୍ୟ ଥାନା ଗେଟ ନିକଟରେ ବିସ୍ଫୋରଣ ଘଟିଥିଲା ।
ଏଥିରେ କୌଣସି କ୍ଷୟକ୍ଷତି ହୋଇନାହିଁ । ଆଲର୍ଟ ଥିବା ସୁରକ୍ଷାକର୍ମୀ ତୁରନ୍ତ ପାଲଟା ଆକ୍ରମଣ କରିଥିଲେ ମଧ୍ୟ ଅନ୍ଧାରର ସୁଯୋଗ ନେଇ ଆତଙ୍କବାଦୀ ଖସି ଯାଇଛନ୍ତି । ଖବର ଅନୁଯାୟୀ, ସ୍ଥାନୀୟ ଅଞ୍ଚଳରେ ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଛି । ଏଥିସହ ସମସ୍ତ ସୀମା ପଥ ମଧ୍ୟ ସିଲ୍ କରାଯାଇଛି । ନିକଟରେ କିଛି ଦିନ ଧରି ଘାଟିରେ ଆତଙ୍କବାଦୀଙ୍କ କାର୍ଯ୍ୟକଳାପ ବୃଦ୍ଧି ପାଉଛି । ସାଧାରଣ ନାଗରିକଙ୍କୁ ଆକ୍ରମଣ ପରେ ସୁରକ୍ଷାକର୍ମୀଙ୍କୁ ଟାର୍ଗେଟ କରୁଛନ୍ତି ଆତଙ୍କୀ ।
ବ୍ୟୁରୋ ରିପୋର୍ଟ, ଇଟିଭି ଭାରତ
