ମୁମ୍ବାଇ: ମହାରାଷ୍ଟ୍ରର ଜଣେ ୧୬ ବର୍ଷର ନାବାଳିକାଙ୍କ ସହ ଗଣଦୁଷ୍କର୍ମ ହୋଇଛି । ୮ ଜଣ ବ୍ୟକ୍ତି ମିଶି ନାବାଳିକାଙ୍କୁ ଦୁଷ୍କର୍ମ କରିଛନ୍ତି । ମହାରାଷ୍ଟ୍ର ପାଲଘର ଜିଲ୍ଲାରୁ ଏହି ପାଶବିକତା ସାମ୍ନାକୁ ଆସିଛି । ୮ ଅଭିଯୁକ୍ତ ନାବାଳିକାଙ୍କୁ ସମୁଦ୍ରତଟକୁ ଟେକି ନେଇ ତାଙ୍କ ସହ ଦୁଷ୍କର୍ମ କରିଥିବା ନିଜେ ପୀଡିତା ଗତକାଲି ଥାନାରେ ଅଭିଯୋଗ କରିଛନ୍ତି (teenage girl raped by eight men) । ଏହି ଘଟଣାରେ ପୋଲିସ ସମସ୍ତ ଅଭିଯୁକ୍ତଙ୍କୁ ଗିରଫ କରି ଅଧିକ ତଦନ୍ତ ଚଳାଇଛି ।
ଅଭିଯୋଗ ଅନୁଯାୟୀ, ଶୁକ୍ରବାର ବିଳମ୍ବିତ ରାତିରେ ନାବାଳିକା ଜଣକ ଦୁଷ୍କର୍ମର ଶିକାର ହୋଇଥିଲେ । ପାଲଘର ଜିଲ୍ଲାରେ ସମୁଦ୍ର କୂଳରେ ଥିବା ଏକ ଗାଁରେ ଏହି ଘଟଣା ଘଟିଥିଲା । ୮ ଜଣ ବ୍ୟକ୍ତି ମିଶି ନାବାଳିକାଙ୍କୁ ଏକ ଶୂନଶାନ ବଙ୍ଗଳାକୁ ନେଇ ସେଠାରେ ଦୁଷ୍କର୍ମ କରିଥିଲେ । ଏହାପରେ ସେଠାରୁ ନାବାଳିକାଙ୍କୁ ବେଳାଭୂମିକୁ ନେଇ ପୁଣିଥରେ ତାଙ୍କୁ ଦୁଷ୍କର୍ମ କରିଥିଲେ । ପ୍ରାୟ ତିନି ଘଣ୍ଟା ଧରି ସେମାନେ ପୀଡିତାଙ୍କ ସହ ଏହି ପାଶବିକତା ଘଟାଇଥିଲେ । ଏହାପରେ ପୀଡିତାକୁ ଛାଡି ପଳାଇ ଯାଇଥିଲେ । ଏନେଇ ଗତକାଲି(ଶନିବାର) ନାବାଳିକା ପାଲଘରର ସତପତି ଥାନାରେ(Satpati police station) ଅଭିଯୋଗ କରିଛନ୍ତି ।
ଏହାମଧ୍ୟ ପଢନ୍ତୁ: ଝାଡଖଣ୍ଡରେ ଶ୍ରଦ୍ଧା ହତ୍ୟାକାଣ୍ଡର ପୁନରାବୃତ୍ତି, ସ୍ତ୍ରୀକୁ ଖଣ୍ଡ ଖଣ୍ଡ କରିଦେଲା ସ୍ବାମୀ
ପୀଡିତାଙ୍କ ଅଭିଯୋଗ ଆଧାରରେ ପୋଲିସ ଆଜି ସକାଳୁ ସମସ୍ତ ୮ ଅଭିଯୁକ୍ତଙ୍କୁ ଗିରଫ କରିଛି । ସେମାନଙ୍କ ବିରୁଦ୍ଧରେ ଆଇପିସିର ଧାରା 376 (D), 366 (A), 341, 342, 323 ଏବଂ ପୋକ୍ସୋ ଆକ୍ଟରେ ମାମଲା ରୁଜୁ କରାଯାଇ ଅଧିକ ତଦନ୍ତ ଜାରି ରହିଛି ।
