ଗାନ୍ଧୀନଗର: ଗରମରୁ ବଞ୍ଚିବା ପାଇଁ ଲୋକମାନେ ଆଇସ୍କ୍ରିମ, ଗୋଲା ଏବଂ ଅନ୍ୟାନ୍ୟ ଥଣ୍ଡା ଜିନିଷ ଖାଇଥାନ୍ତି । ତେବେ ଏହି ଗରମରେ ଆଇସ୍କ୍ରିମ ପ୍ରେମୀଙ୍କ ପାଇଁ ସୁରଟରେ ମିଳୁଛି ଏକ ସ୍ବତନ୍ତ୍ର ଆଇସକ୍ରିମ । ଯେଉଁଥିରେ 24 କ୍ୟାରେଟ ସୁନା ପରତ ରହିଛି । ଏହି ଆଇସ୍କ୍ରିମର ସାଧାରଣ ସ୍ବାଦଯୁକ୍ତ ନୁହେଁ କିନ୍ତୁ ଏହା 24 କ୍ୟାରେଟ୍ ସୁନାରେ ପ୍ରସ୍ତୁତ ହୋଇଛି । ସୁରଟର ଏହି ଦାମୀ ଆଇସ୍କ୍ରିମ ଗ୍ରୀଷ୍ମ ଋତୁରେ ସୁବର୍ଣ୍ଣ ଶୀତଳତାର ଆନନ୍ଦ ଦେଉଛି । ଏହି ସମୟରେ ଲୋକମାନେ ଦୁଇଟି ମୁଖ୍ୟ ସମସ୍ୟାର ସମ୍ମୁଖୀନ ହେଉଛନ୍ତି । ଗୋଟିଏ ପଟେ ସୁନାର କ୍ରମାଗତ ମୂଲ୍ୟ ବୃଦ୍ଧି ଏବଂ ଅନ୍ୟ ପଟେ ଉତ୍ତାପ ବୃଦ୍ଧି । ତେବେ ସୁରଟର ଲୋକମାନେ ଏହି ଉଭୟ ସମସ୍ୟାର ସମାଧାନ ପାଇଛନ୍ତି । ଲୋକମାନେ ଗରମ ମଧ୍ୟରେ 24 କ୍ୟାରେଟ୍ ସୁନା ପରତ ଦିଆ ଏହି ଆଇସ୍କ୍ରିମ ଉପଭୋଗ କରୁଛନ୍ତି । ଆଇସ୍କ୍ରିମ ଏପରି ଯେ, ଆପଣ ଭାବିବେ ଏହାକୁ ରଖିବେ କି ଖାଇବେ ।
ଏହି ସ୍ବତନ୍ତ୍ର ପ୍ରକାରର ଆଇସ୍କ୍ରିମର ଶୀର୍ଷରେ 24 କ୍ୟାରେଟ ସୁନା ପରତ ଥାଏ । ସେହିପରି ଯେଉଁ କୋନ୍ରେ ଆଇସକ୍ରିମ ଦିଆଯାଇଥାଏ ତାକୁ ମଧ୍ୟ ଏକ ସ୍ୱତନ୍ତ୍ର ପ୍ରକାରର ଛୋଟ ସୁନା ବଲରେ ସଜାଯାଇଥାଏ । ସେହି କୋନ୍ ଭିତରେ ଆଇସ୍କ୍ରିମର ବିଭିନ୍ନ ପ୍ରକାରର ଫ୍ଲେଭର ମଧ୍ୟ ରହିଥାଏ ଯେଉଁଥିରେ ସୁନା ଚକୋଲେଟ୍ ମଧ୍ୟ ଅନ୍ତର୍ଭୁକ୍ତ । ସେହିପରି ଆଇସ୍କ୍ରିମର ଭିତରେ ସଜାଇବା ପାଇଁ ବ୍ରାଉନି ବି ଅଛି । ଉପରେ 24କ୍ୟାରେଟ ସୁନା ଏବଂ ଭିତର ଶୁଖିଲା ଫଳ, ଚକୋ ସିରପରେ ଆଚ୍ଛାଦିତ । ତେବେ ସ୍ବତନ୍ତ୍ର ଆଇସକ୍ରିମର ମୂଲ୍ୟ ହେଉଛି 1000 ଟଙ୍କା । ଏଥିସହ ଆପଣଙ୍କୁ 18%ର GST ମଧ୍ୟ ଦେବାକୁ ପଡିବ ।
ସେହିପରି ଏତେ ଦାମୀ ଆଇସ୍କ୍ରିମ ସତ୍ତ୍ବେ ଏହାର ଚାହିଦା ଦେଖିବାକୁ ମିଳିଛି । ଲୋକମାନେ ଦୂର ଦୂରାନ୍ତରୁ ଏହି ଆଇସକ୍ରିମ୍ ଖାଇବାକୁ ଆସୁଛନ୍ତି । ଅନ୍ୟ ଏକ ବିଶେଷ କଥା ହେଉଛି ଏଥିରେ ହୋମ ଡେଲିଭରୀର ସୁବିଧା ନାହିଁ । ତେଣୁ ଏହି ଆଇସ୍କ୍ରିମ ଖାଇବା ପାଇଁ ଦୋକାନକୁ ଆସିବାକୁ ପଡିବ । କାରଣ ଏହା ତୁରନ୍ତ କରି ଅର୍ଡର ହେବା ସହ ବିକ୍ରି ମଧ୍ୟ ହୋଇଥାଏ ।
ତେବେ ଏନେଇ ଜଣେ ଗ୍ରାହକ କହିଛନ୍ତି, "ମତେ ନୂଆ ଜିନିଷ ଅନୁସନ୍ଧାନ କରିବାକୁ ଭଲ ଲାଗେ । ସେଥିପାଇଁ ମୁଁ ଇନଷ୍ଟାଗ୍ରାମ ଏବଂ ସୋସିଆଲ ମିଡିଆକୁ ଅଧିକ ଦେଖେ । ସେଠାରୁ ଜାଣିବାକୁ ମିଳିଥିଲା ଯେ ସୁରଟରେ 24 କ୍ୟାରେଟ୍ ସୁନାର ଆଇସକ୍ରିମ ମିଳୁଥିବା ଜାଣି ଏଠାକୁ ଆସିଥିଲି । ତେବେ ଏହି ସୁନା ପରତ ଦିଆ ଆଇସ୍କ୍ରିମ ଖାଇବାରେ ମୋର ବହୁତ ଭଲ ଅନୁଭୂତି ଥିଲା । ପ୍ରଥମେ ମୁଁ ଭାବିଲି ଏହାର ଦାମ ଟିକେ ଅଧିକ କିନ୍ତୁ ଯଦି ସୁନାର ନାମ ଆସେ ତେବେ ଏହା ଟିକେ ମହଙ୍ଗା ହେବ ।"
ବ୍ୟୁରୋ ରିପୋର୍ଟ, ଇଟିଭି ଭାରତ
