ନୂଆଦିଲ୍ଲୀ: ବହୁ ଚର୍ଚ୍ଚିତ ସୁନନ୍ଦା ପୁଷ୍କର ମୃତ୍ୟୁ ମାମଲା । ସୁନନ୍ଦା ପୁଷ୍କର ମୃତ୍ୟୁ ମାମଲାରେ ଶଶି ଥରୁରଙ୍କ ବିରୋଧରେ ହୋଇଥିବା ମାମଲାର ଶୁଣାଣିକୁ ସ୍ଥଗିତ ରଖିଲେ ଦିଲ୍ଲୀର ରାଉସ୍ ଆଭେନ୍ୟୁ କୋର୍ଟ । ଏପ୍ରିଲ୍ 12ରେ, ଉଭୟ ପକ୍ଷର ଯୁକ୍ତି ଶୁଣିବା ପରେ ଚାର୍ଜସିଟ୍ ଫ୍ରେମ୍ ପ୍ରସଙ୍ଗରେ ସ୍ବତନ୍ତ୍ର ଜଜ୍ ଗୀତାଞ୍ଜଳି ଗୋଏଲ୍ ଏହି ରାୟ ସଂରକ୍ଷିତ ରଖିଛନ୍ତି ।
ଏହି ମାମଲାରେ ଶଶି ଥରୁରଙ୍କ ଓକିଲ କହିଛନ୍ତି ଯେ, ସୁନନ୍ଦାଙ୍କୁ ହତ୍ୟା କରାଯାଇନାହିଁ । ତାଙ୍କୁ ମାନସିକ କି ଶାରୀରିକ ନିର୍ଯାତନା ଦିଆଯାଇ ନାହିଁ ବୋଲି ଯୁକ୍ତି ବାଢୁଥିବା ବେଳେ ସୁନନ୍ଦାଙ୍କ ପରିବାର ଲୋକେ ମଧ୍ୟ କହିଛନ୍ତି ଯେ, ସୁନନ୍ଦା ଆତ୍ମହତ୍ୟା କରିନାହାଁନ୍ତି ବୋଲି କହିଛନ୍ତି । ତେବେ ଶଶି ଥରୁରଙ୍କର ଅନ୍ୟ ମହିଳାଙ୍କ ସମ୍ପର୍କ ଥିବା କୋର୍ଟରେ ବୟାନ ଦେଇଛନ୍ତି ସାକ୍ଷୀ ।
ସୂଚନା ଥାଉକି,ଗତ 2014, ଜାନୁଆରୀ 17ରେ ଦିଲ୍ଲୀର ଏକ ବଡ ହୋଟେଲରୁ ସୁନନ୍ଦାଙ୍କ ମୃତଦେହ ମିଳିଥିଲା । ପରେ 2018 ମେ 14 ତାରିଖରେ ଦିଲ୍ଲୀ ପୋଲିସ ଘଟଣାର ଚାର୍ଜସିଟ ଦାଖଲ କରିଥିଲା । ଚାର୍ଜସିଟରେ ଶଶି ଥରୁରଙ୍କୁ ଅଭିଯୁକ୍ତ ବୋଲି ଦର୍ଶାଯାଇଥିଲା । ତେବେ ଉଭୟେ 2010 ଅଗଷ୍ଟ 22ରେ ବିବାହ କରିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
