ପାଟନା: ବିହାର ମୁଖ୍ୟମନ୍ତ୍ରୀ ନୀତିଶ କୁମାରଙ୍କ କନଭୟ ଉପରକୁ ପଥରମାଡ ହୋଇଛି । ଆଜି ସଂଧ୍ୟାରେ ରାଜଧାନୀ ପାଟନାରେ ମୁଖ୍ୟମନ୍ତ୍ରୀଙ୍କ କାଫିଲା ବାହାରିବା ବେଳେ ପଥର ମାଡ କରିଛନ୍ତି କିଛି ଅଜଣା ବ୍ୟକ୍ତିବିଶେଷ । ତେବେ ମୁଖ୍ୟମନ୍ତ୍ରୀ ନୀତିଶ ସେହି ସମୟରେ ଗାଡିରେ ନଥିବା କାରଣରୁ କୌଣସି ଅଘଟଣ ଘଟିନାହିଁ । ମୁଖ୍ଯମନ୍ତ୍ରୀଙ୍କ କାଫିଲାରେ ସାମିଲ ଏକାଧିକ ଗାଡି ନଷ୍ଟ ହୋଇଛି । ଘଟଣାସ୍ଥଳରେ ପୋଲିସ ପହଞ୍ଚି ହାଇଆଲର୍ଟ ଜାରି କରିଛି ।
-
Patna | Stones pelted at the convoy of Bihar CM Nitish Kumar; CM was not present in the convoy at the time of the incident. pic.twitter.com/5kNnn7IDlv
— ANI (@ANI) August 21, 2022 " class="align-text-top noRightClick twitterSection" data="
">Patna | Stones pelted at the convoy of Bihar CM Nitish Kumar; CM was not present in the convoy at the time of the incident. pic.twitter.com/5kNnn7IDlv
— ANI (@ANI) August 21, 2022Patna | Stones pelted at the convoy of Bihar CM Nitish Kumar; CM was not present in the convoy at the time of the incident. pic.twitter.com/5kNnn7IDlv
— ANI (@ANI) August 21, 2022
ବିହାର ଉପ ମୁଖ୍ୟମନ୍ତ୍ରୀ ତଥା ଆରଜେଡି ନେତା ତେଜସ୍ବୀ ଯାଦବଙ୍କ ପ୍ରଧାନମନ୍ତ୍ରୀ ସମ୍ପର୍କିତ ବୟାନ ସାମ୍ନାକୁ ଆସିବା ପରେ ଏହି କିଛି ଘଟଣା ଘଟିଥିବା ସନ୍ଦେହ କରାଯାଉଛି । ଯଦି ବିରୋଧୀ ଚାହାନ୍ତି ତେବେ ନୀତିଶ କୁମାର ଜଣେ ଶକ୍ତିଶାଳୀ ପ୍ରଧାନମନ୍ତ୍ରୀ ପ୍ରାର୍ଥୀ ହେବେ ବୋଲି ତେଜସ୍ବୀ କହିଥିଲେ । ବିଜେପି ସହ ମେଣ୍ଟ ଭାଙ୍ଗି ମହାମେଣ୍ଟ ସହଯୋଗରେ ପୁଣି ସରକାର ଗଠନ କରିଥିବା ନୀତିଶ କୁମାରଙ୍କୁ ଆଗାମୀ 2024 ସାଧାରଣ ନିର୍ବାଚନରେ ବିରୋଧୀଙ୍କ ପ୍ରଧାନମନ୍ତ୍ରୀ ପ୍ରାର୍ଥୀ ଭାବେ ମଧ୍ୟ ଚର୍ଚ୍ଚା ହେଉଛି ।
2024 ରେ ବିଜେପି ବିରୋଧରେ ମିଳିତ ବିରୋଧୀଙ୍କ ପ୍ରଧାନମନ୍ତ୍ରୀ ହେବା ପାଇଁ ନୀତିଶ କୁମାର ସରକାର ଭାଙ୍ଗି ଦେଇଥିବା କିଛି ରାଜନୈତିକ ଦଳ ଅଭିଯୋଗ କରିବାରେ ଲାଗିଛି । ନୀତିଶ ନିଜେ ପ୍ରଧାନମନ୍ତ୍ରୀ ଚର୍ଚ୍ଚାକୁ ମଧ୍ୟ ସିଧାସଳଖ ଅସ୍ବୀକାର ନକରି ପରୋକ୍ଷରେ ବିଜେପି ବିରୋଧୀ ସଙ୍କେତ ମଧ୍ୟ ଦେଇ ସାରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
