ଡେରାଡୁନ: ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ତିବେନ୍ଦ୍ର ସିଂ ରାଓ୍ବତ ଶନିବାର ହରିଦ୍ବାର କୁମ୍ଭ ମେଳା 2021 ପାଇଁ ଏକ ସ୍ବତନ୍ତ୍ର କୋଭିଡ ଅଧିକାରୀ ନିଯୁକ୍ତ କରିବାକୁ କହିଛନ୍ତି । ଏହି କାର୍ଯ୍ୟକ୍ରମର ପ୍ରସ୍ତୁତି ସମୀକ୍ଷା କରି ରାଓ୍ବତ ଯଥାକ୍ରମେ ଦୁଇ କୋଟି ଓ ପାଞ୍ଚ କୋଟି ମୂଲ୍ୟର ଏକ କାର୍ଯ୍ୟକୁ ମଞ୍ଜୁର କରିବାକୁ କୁମ୍ଭ ମେଳା ଅଧିକାରୀ ଏବଂ ଗରଓ୍ବାଲ କମିଶନରଙ୍କୁ ଅନୁମତି ଦେଇଛନ୍ତି ।
କୁମ୍ଭ ମେଳା ସହ ଜଡିତ ଗରଓ୍ବାଲ କମିଶନରଙ୍କୁ ଏହି କାର୍ଯ୍ୟରେ ସହାୟତା କରିବାକୁ ଅଭିଜ୍ଞ ଇଞ୍ଜିନିୟର ଏବଂ ବରିଷ୍ଠ ଆର୍ଥିକ ଅଧିକାରୀଙ୍କ ଏକ କମିଟି ଗଠନ କରାଯିବା ଉଚିତ ବୋଲି ରାଓ୍ବତ ପ୍ରକାଶ କରଛନ୍ତି । ଏହାସହ କାର୍ଯ୍ୟ ସମାପ୍ତ ହେବା ପରେ ବିବାଦକୁ ଏଡାଇବା ପାଇଁ କାର୍ଯ୍ୟର ଗୁଣ ଏବଂ ବ୍ୟବସ୍ଥା ଉପରେ କୌଣସି ଆପୋଷ ବୁଝାମଣା ହେବା ଉଚିତ ନୁହେଁ ବୋଲି ସେ ସ୍ପଷ୍ଟ କରିଛନ୍ତି । ଏହାସହ ଜାନୁଆରୀ 31 ପୂର୍ବରୁ ମେଳା ପାଇଁ ସମସ୍ତ ପ୍ରସ୍ତୁତି ଶେଷ କରିବାକୁ ନିର୍ଦ୍ଦେଶ ଦିଆଯାଇଛି । ତେବେ ମେଳା ଅଞ୍ଚଳରେ 437 କୋଟି ଟଙ୍କାର 124 ଟି ନିର୍ମାଣ କାର୍ଯ୍ୟ ଚାଲିଥିବା ଜଣାପଡିଛି ।
କୋରୋନାକୁ ଦୃଷ୍ଟିରେ ରଖି ମେଳା ଅଞ୍ଚଳର ସମସ୍ତ ଦୋକାନୀଙ୍କୁ ମାସ୍କ ଓ ସାନିଟାଇଜର ବ୍ୟବହାର କରିବାକୁ ନିର୍ଦ୍ଦେଶ ହୋଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
