ନୂଆଦିଲ୍ଲୀ: ରାଜଧାନୀ ଦିଲ୍ଲୀରେ ବଢୁଛି ନିଶା ଦ୍ରବ୍ୟ କାରବାର । ଦିଲ୍ଲୀ ଏନସିଆର ଅଞ୍ଚଳରେ ହେରୋଇନ ଚାଲାଣ କରୁଥିବା ଦୁଇଜଣଙ୍କୁ କାବୁ କରିବା ସହିତ 15 କିଲୋଗ୍ରାମ ହେରୋଇନ୍ ଜବତ କରିଛି ସ୍ବତନ୍ତ୍ର ପୋଲିସ ।
ଦିଲ୍ଲୀରୁ 60କୋଟିର ହେରୋଇନ ଜବତ
ଚାଲାଣକାରୀମାନେ ଅଭିନବ ଉପାୟରେ ହେରୋଇନ ଚାଲାଣ କରୁଥିଲେ । କାର ଡୋର ଓ ସିଟ ତଳେ ଚୋରାରେ ଚାଲାଣ କରୁଥିଲେ । ପୋଲିସ ସେମାନଙ୍କ ଗାଡି ଯାଞ୍ଚ କରିବାବେଳେ 15 କିଲୋଗ୍ରାମର ହିରୋଇନ ଜବତ କରିଛି । ଜବତ ହେରୋଇନର ମୂଲ୍ୟ ପ୍ରାୟ 60କୋଟି ହେବ ବୋଲି ପୋଲିସ ପକ୍ଷରୁ ସୂଚନା ମିଳିଛି ।
ଏହା ସହିତ ହେରୋଇନ ଚାଲାଣକୁ ନେଇ ଦୁଇଜଣଙ୍କୁ ଗିରଫ କରିଛି ସ୍ବତନ୍ତ୍ର ପୋଲିସ । ଏହା ସହିତ ସେମାନଙ୍କ ଗ୍ୟାଙ୍ଗରେ ଜଡିତ ଅନ୍ୟ ସମସ୍ତଙ୍କୁ କାବୁ କରିବାକୁ ଉଦ୍ୟମ ଜାରି ରଖିଛି ପୋଲିସ ।
ବ୍ୟୁରୋ ରିପୋର୍ଟ, ଇଟିଭି ଭାରତ
