ଶ୍ରୀନଗର: ଅଶାନ୍ତ ସୀମା । ଜାମ୍ମୁକାଶ୍ମୀର ସୋପିଆନ ଅଞ୍ଚଳରେ ସୁରକ୍ଷାବାହିନୀ ଓ ଆତଙ୍କବାଦୀଙ୍କ ମଧ୍ୟରେ ଗୁଳିବିନିମୟ ହୋଇଥିଲା । ଏନକାଉଣ୍ଟରରେ ଜଣେ ଆତଙ୍କବାଦୀର ନିହତ ହୋଇଥିବା ବେଳେ ଅନ୍ୟ ଜଣେ ଆତ୍ମସମର୍ପଣ କରିଛି । ଏହାସହ AK 56 ରାଇଫଲ ଜବତ କରାଯାଇଛି । ଏନେଇ ଜମ୍ମୁ କାଶ୍ମୀର ପୋଲିସ ପକ୍ଷରୁ ସୂଚନା ମିଳିଛି ।
ଆତ୍ମସମର୍ପଣ କରିଥିବା ଆତଙ୍କବାଦୀ ଜଣକ ଲସ୍କର-ଏ-ତାଇବାର ବୋଲି ଜଣାପଡିଛି । ସର୍ଚ୍ଚ ଅପରେସନ ଏବେବି ଜାରି ରହିଛି । ସୂଚନା ଅନୁସାରେ,ସୋପିଆନରେ ଆତଙ୍କବାଦୀ ଲୁଚି ରହିଥିବା ନେଇ ସୁରକ୍ଷା କର୍ମୀଙ୍କ ପକ୍ଷରୁ ଆରମ୍ଭ ହୋଇଥିଲା ସର୍ଚ୍ଚ ଅପରେସନ । ସୁରକ୍ଷା କର୍ମୀ ଓ ପୋଲିସ ପକ୍ଷରୁ ଏହି ସର୍ଚ୍ଚ ଅପରେସନ କରାଯାଇଥିଲା । ଯେଉଁଥିରେ ଆତଙ୍କୀ ପକ୍ଷରୁ ସୁରକ୍ଷା କର୍ମୀଙ୍କ ଉପରେ ଆଖିବୁଜା ଗ୍ରେନେଟ ମାଡ ସହ ଗୁଳିମାଡ କରାଯାଇଥିଲା । ସୁରକ୍ଷାବାହିନୀ ପକ୍ଷରୁ ସେନାକୁ କଡା ଜବାବ ଦିଆଯାଇଥିଲା ।
