ଚଣ୍ଡିଗଡ: ଦେଶରେ ପୁଣିଥରେ କାୟା ବିସ୍ତାର କରିବାରେ ଲାଗିଛି ମହାମାରୀ କୋରୋନା । କ୍ରମାଗତ ବୃଦ୍ଧି ପାଉଛି ସଂକ୍ରମଣ । ଏହାରି ମଧ୍ୟରେ ମହାମାରୀ କୋରୋନାରେ ସଂକ୍ରମିତ ହୋଇଛନ୍ତି ଶିରୋମଣି ଅକାଳୀ ଦଳର ଅଧ୍ୟକ୍ଷ ସୁଖବୀର ସିଂହ ବାଦଲ । ଏନେଇ ନିଜେ ଟ୍ବିଟ କରି ସୂଚନା ଦେଇଛନ୍ତି ସୁଖବୀର ।
ସୁଖବୀର ଟ୍ବିଟ କରି କହିଛନ୍ତି, ପ୍ରୋଟୋକଲ ଅନୁଯାୟୀ ମୁଁ ନିଜକୁ ଆଇସୋଲେଟ କରିଛି । ତେବେ ଯେଉଁମାନେ ଗତ କିଛି ଦିନରୁ ତାଙ୍କ ସଂସ୍ପର୍ଶରେ ଆସିଛନ୍ତି ସେମାନେ ନିଜକୁ ଆସୋଲେଟ କରିବାକୁ ପରାମର୍ଶ ଦେଇଛନ୍ତି ସୁଖବୀର ।
ସୋମବାର ଗୋଟିଏ ଦିନରେ ପଞ୍ଜାବରୁ 1818 ମାମଲା ସାମ୍ନାକୁ ଆସିଥିଲା । ସଂକ୍ରମଣ ହାର ବୃଦ୍ଧି ଯୋଗୁଁ ସେପଟେ ବୁଧବାର ବିଭିନ୍ନ ରାଜ୍ୟର ମୁଖ୍ୟମନ୍ତ୍ରୀଙ୍କ ସହିତ ଭିସି ଯୋଗେଁ ଆଲୋଚନା ସହିତ ସ୍ଥିତି ସମୀକ୍ଷା କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।
