ମୁମ୍ବାଇ: ଏନସିପି ମୁଖ୍ୟ ଶରଦ ପାୱାରଙ୍କର ଆଜି(ସୋମବାର) ଗଲବ୍ଲାଡର ଅପରେସନ କରାଯିବ । ଏ ନେଇ ତାଙ୍କୁ ରବିବାର ବ୍ରିଚ କ୍ୟାଣ୍ଡି ଡାକ୍ତରଖାନାରେ ଭର୍ତ୍ତି କରାଯାଇଛି ।
ଆଜି(ସୋମବାର) ତାଙ୍କର ଅପରେସନ ହେବା ନେଇ ସୂଚନା ଦେଇଛନ୍ତି ଏନସିପି ନେତା ନୱାବ ମାଲିକ । ଗତ ମାସରେ ଶରଦ ପାୱାରଙ୍କୁ ସାତ ଦିନ ବିଶ୍ରାମ ନେବାକୁ ଡାକ୍ତରଙ୍କ ପକ୍ଷରୁ ପରାର୍ମଶ ଦିଆଯାଇଥିଲା । ଏହା ପରେ 15 ଦିନ ପରେ ଶରଦ ପାୱାରଙ୍କ ଗଲବ୍ଲାଡର ଅପରେସନ କରାଯିବା ନେଇ ଡାକ୍ତର କହିଥିଲେ ।
କିଛି ଦନ ତଳେ ଶରଦ ପାୱାରଙ୍କ ପେଟରେ ଅସହ୍ୟ ଯନ୍ତ୍ରଣା ହୋଇଥିଲା । ଏଣ୍ଡୋସ୍କୋପି କରିବା ପରେ ତାଙ୍କ ପିତ୍ତକୋଶରେ ଷ୍ଟୋନ ହୋଇଥିବା ଜଣାପଡିଥିଲା । ମେଡିକାଲ ପ୍ରଣାଳୀ ଅନୁସାରେ ଆଜି ତାଙ୍କର ଅସ୍ତ୍ରୋପଚାର ହେବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
