ରାଞ୍ଚି: ଶ୍ରୀଲଙ୍କାରେ ଫସି ରହିଥିବା ଝାଡଖଣ୍ଡର ୧୯ଜଣ ଶ୍ରମିକ ଆଜି (ଶୁକ୍ରବାର) ଘରକୁ ଫେରିଛନ୍ତି । ସମସ୍ତ ଶ୍ରମିକ ଶ୍ରୀଲଙ୍କାର ରାଜଧାନୀ କଲମ୍ବୋ ବିମାନବନ୍ଦରରୁ ଶୁକ୍ରବାର ଚେନ୍ନାଇ ଆସିଛନ୍ତି । ସମସ୍ତ ଶ୍ରମିକ ଦେଢ ଘଣ୍ଟା ବିମାନ ଯାତ୍ରା ପରେ ଚେନ୍ନାଇରେ ପହଞ୍ଚିଥିଲେ ।
ଏମାନଙ୍କୁ କେନ୍ଦ୍ର ଓ ରାଜ୍ୟ ସରକାରଙ୍କ ମିଳିତି ସହାୟତାରେ ସ୍ବଦେଶ ଅଣାଯାଇଛି । ସମସ୍ତ ଶ୍ରମିକ ଚେନ୍ନାଇରେ ପହଞ୍ଚିବା ପରେ ସେଠାରୁ ପୁଣି ବିମାନ ଯୋଗେ ରାଞ୍ଚି ଅଣାଯାଇଥିଲା । ଏଥିସହ ସବୁ ଶ୍ରମିକଙ୍କ ଘରକୁ ଯିବା ଲାଗି ପ୍ରଶାସନ ପକ୍ଷରୁ ବ୍ୟବସ୍ଥା କରାଯାଇଥିଲା ।
ସୂଚନା ଅନୁସାରେ, ଏହି ଶ୍ରମିକମାନେ କାମ କରିବାକୁ ଯାଇ ଫସି ରହିଥିଲେ । କାରଣ ଶ୍ରୀଲଙ୍କାରେ ଦେଖାଯାଇଥିବା ଆର୍ଥିକ ସଙ୍କଟ ଯୋଗୁଁ ସାଧରଣ ଲୋକଙ୍କୁ ଅତ୍ୟାବ୍ଯଶକ ଜିନିଷ ଯୋଗାଇବାରେ ବିଫଳ ହୋଇଛନ୍ତି ସେଠାକାର ସରକାର । ଫସି ରହିଥିବା ଶ୍ରମିକଙ୍କ ପରିବାର ଲୋକଙ୍କ ପକ୍ଷରୁ ତାଙ୍କ ଫେରିବା ନେଇ ରାଜ୍ୟ ସରକାରଙ୍କୁ ଅନୁରୋଧ କରାଯାଇଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
