ଚେନ୍ନାଇ: ଘରେ ଫ୍ରିଜ ଫାଟି ଅଘଟଣ । ଆଜି ସକାଳୁ ତାମିଲନାଡୁର ଛେଙ୍ଗଲପଟୁରେ ଘଟିଛି ଏଭଳି ଅଘଟଣ । ଏନେଇ ଘଟଣା ସ୍ଥଳରେ 3 ଜଣଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ 2 ଜଣଙ୍କୁ ଉଦ୍ଧାର କରାଯାଇ ଗୁରୁତର ଅବସ୍ଥାରେ କ୍ରୋମପେଟ ହସ୍ପିଟାଲରେ ଭର୍ତ୍ତି କରାଯାଇଛି । ତେବେ ମୃତ ବ୍ୟକ୍ତିମାନେ ହେଉଛନ୍ତି ଗିରିଜା ଓ ତାଙ୍କ ସମ୍ପର୍କୀୟ ।
ତେବେ ସୂଚନା ଅନୁଯାୟୀ, ଗିରିଜା ଓ ତାଙ୍କ ସମ୍ପର୍କୀୟ ଆପାର୍ଟମେଣ୍ଟର ପ୍ରଥମ ମହଲାରେ ଶୋଇଥିବା ସମୟରେ ଭୋର 4 ଟାରେ ସଟସର୍କିଟ୍ ହୋଇ ଫ୍ରିଜ ଫାଟି ଯାଇଥିଲା । ଯାହାଦ୍ବାରା ଅଧିକ ଧୂଆଁ ଯୋଗୁଁ ଶ୍ବାସରୁଦ୍ଧ ହୋଇ ଘଟଣା ସ୍ଥଳରେ 3 ଜଣଙ୍କ ମୃତ୍ୟ ଘଟିଛି। ଏନେଇ ଘଟଣା ସ୍ଥଳରେ ଅଗ୍ନିଶମ ବାହିନୀ ଓ ପୋଲିସ ପହଞ୍ଚିବା ସହିତ ସେମାନଙ୍କୁ ଉଦ୍ଧାର କରି ମୃତଦେହ ବ୍ୟବଚ୍ଛେଦ ପାଇଁ ପଠାଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
