ବେଙ୍ଗାଲୁରୁ: କର୍ଣ୍ଣାଟକ ରାଜ୍ୟର ମହୀଶୂର ଜିଲ୍ଲାର ହନସୁର ତାଲୁକର କାଲ ବେଟା ରୋଡରେ ଘଟିଯାଇଛି ଏକ ମର୍ମନ୍ତୁଦ ସଡ଼କ ଦୁର୍ଘଟଣା । ଏହି ଦୁର୍ଘଟଣାରେ ଛଅ ଜଣଙ୍କର ମୃତ୍ୟୁ ହୋଇଛି । ସୂଚନାନୁସାରେ ବୋଲେରୋ ଗାଡ଼ିଟି ଦ୍ରୁତ ଗତିରେ ଆସୁଥିବାବେଳେ ଏକ ଗଛ ସହିତ ଧକ୍କା ହୋଇଥିଲା । ତେବେ ଗାଡ଼ିର ବେଗ ଏତେ ଜୋର ଥିଲା ଯେ, ଘଟଣାସ୍ଥଳରେ ହିଁ ୬ ଜଣଙ୍କର ମୃତ୍ୟୁ ହୋଇଯାଇଥିଲା ।
ଏହି ଘଟଣାରେ ଅନ୍ୟ ତିନିଜଣ ଆହତ ହୋଇଛନ୍ତି । ଆହତଙ୍କୁ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି । ତେବେ ସମସ୍ତେ ବିବାହ କାର୍ଯ୍ୟ ସମାପ୍ତ କରିବା ପରେ ହନସୁରକୁ ଯାଇଥିଲେ । ମୃତକମାନେ ହେଲେ ପଲିବେଟ୍ଟାର ଅନିଲ, ସାଣ୍ଟୋଶ, ବିନୁତ, ରାଜେଶ, ଦିନାନନ୍ଦ ଏବଂ ବାବୁ । ସମସ୍ତ ମୃତ ବ୍ୟକ୍ତି କୋଡାଗୁ ଜିଲ୍ଲାର। ଅନ୍ୟପକ୍ଷରେ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
